Oýun sanawy
2026-njy ýylyň nyşanyna bagyşlanyp, Türkmenistanda ahalteke bedewiniň şekili bilen bezelen ýörite «Atly panbarhat» öndürilip başlandy. «Türkmenistan: Altyn asyr» neşiriniň habar bermegine görä, bu täze dizaýn ýylyň şygaryny we milli gymmatlyklary özünde jemleýär. Ýokary hilli inçe şifon we 100% tebigy ýüpekden taýýarlanylýan bu matalar Aşgabadyň panbarhat fabriginiň iň naýbaşy önümleriniň biri boldy.
8-nji mart — Halkara zenanlar gününiň öňüsyrasynda bu täze mata görnüşine bolan isleg has-da artdy. Fabrigiň ýöriteleşdirilen dükanlarynda ajaýyp sowgatlyk hökmünde hödürlenýän bedew nagyşly panbarhatlar zenanlaryň arasynda uly gyzyklanma döredýär.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz