Oýun sanawy
Türkmen para güýç göterijileri Müsürde geçiriljek dünýä çempionatyna gatnaşar
05 Okt. 12:37Türkmenistanyň milli ýygyndysy 2025-nji ýylyň iň möhüm halkara ýaryşlarynyň biri bolan para güýç göteriş boýunça dünýä çempionatyna gatnaşmak üçin Müsür döwletiniň paýtagty Kaire ugrady.
11–18 oktýabr aralygynda geçiriljek bu iri sport çäresine Türkmenistanyň adyndan 8 türgen gatnaşyp, dürli agram derejelerinde çykyş eder.
Ýaryşa 71 ýurtdan jemi 542 paraatlet gatnaşar, şeýle hem 25 sany bitarap türgen çykyş eder. Gatnaşyjylaryň arasynda 314 erkek we 228 zenan bar. Bäsleşikler halkara ülňülere laýyklykda enjamlaşdyrylan döwrebap sport desgalarynda geçiriler we ähli resmi agram derejesini öz içine alar.
Türkmen türgenleriniň bu ýaryşa gatnaşmagy, olaryň Paralimpiýa oýunlaryna we beýleki halkara ýaryşlara taýýarlygynyň möhüm bölegi bolup durýar.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz