2025-nji ýylyň 10 — 12-nji oktýabry aralygynda Aşgabatda saglygy goraýyş, bilim we sport ulgamlaryna bagyşlanan halkara sergi geçiriler. Bu çäre “Güýçli döwletiň täze eýýamynyň galkynyşy” döwri bilen baglylykda guralýar.

Sergi Türkmenistanyň Söwda-senagat edarasynyň binasynda (Aşgabat şäheri, Çandybil şaýoly, 143) geçiriler. Guraýjylar hökmünde Türkmenistanyň Saglygy goraýyş we derman senagaty ministrligi, Bilim ministrligi, Bedenterbiýe we sport baradaky döwlet komiteti hem-de Söwda-senagat edarasy çykyş edýär.

Sergä degişli ministrlikleriň hünärmenleri, telekeçiler, Senagatçylar we telekeçiler birleşmesiniň agzalary, şeýle-de daşary ýurt kompaniýalarynyň wekilleri gatnaşmaga çagyrylýar.

Serginiň iş wagty:

• 10-11 oktýabr: sagat 10:00 — 18:00

• 12 oktýabr: sagat 10:00 — 15:00

Giňişleýin maglumat üçin şu telefon belgilerine jaň edip bilersiňiz: 39-88-81, (82), (83), (84), (85), (86); faks: 39-89-49.