Oýun sanawy
Hytaýly alymlar Ýeriň aşaky mantiýasynda «superumanyň» bardygy barada çakladylar
20 Dek. 12:40Hytaýyň Ylymlar akademiýasynyň (CAS) Guançžou Geohimiýa institutynyň professory Du Çžisýuen ýolbaşçylyk edýän ylmy topary Ýeriň aşaky mantiýasynda ägirt uly suw howdanynyň bolup biljekdigini teklip etdi. Netijeler Science žurnalynda çap edildi.
Alymlaryň çaklamalaryna görä, takmynan 660 km çuňlukda ýerleşýän «superuma» planetamyzyň ýüzündäki ähli ummanlaryň umumy möçberiniň 8–100%-ine deň suw sığdyryp biler. Tejribeler üçin hünärmenler ilkinji gezek şol çuňlukdaky ekstremal şertleri — takmynan 23–32 GPa basyş we 1273–2100 K temperatura — gaýtadan döretmegi başarýan tehnologiki platformany işledi.
Tejribeler brijmanit mineralynyň, mantiýanyň iň irki kristallaşýan mineralydygyny, ýokary temperatura ýagdaýynda suwy has köp saklap bilýändigini görkezdi. Magma ummanynyň kristallaşma modeli aşaky mantiýanyň doly dikeldikden soň Ýeriň iň uly aşaky suw howdanyna öwrülýändigini görkezýär. Onuň potensial sygymy öňki çaklamalardan 5–100 esse uludy bolup biler.
Şeýle hem okanyň
Günorta afrikaly ýazyjy emeli aňyň kömegi bilen 370-den gowrak kitap neşir edip, 1 million dollar gazandy
24 Okt. 13:11Koral Hart lakamy bilen tanalýan günorta afrikaly ýazyjy soňky 20 aýyň dowamynda emeli aň ulgamlarynyň kömegi bilen 371 sany kitaby ýazyp, neşir etmegi başardy. Yerli «EWN» radiosynyň habar bermegine görä, öň 14 ýyllap neşirýat ulgamynda zähmet çeken awtor 2025-nji ýylyň fewralynda emeli aň teknolojialaryny özleşdirip, gysga wagtyň içinde doly derejeli romanlary döretmäge mümkinçilik berýän hususy ulgamyny işläp düzdi. Ýazyjy her bir eseriň sýužetini, stiline hem-da каarakterlerini özi kesgitläp, emeli aňa meýilnama berýär, alnan garalama bolsa jemleýji tapgyrda awtor tarapyndan redaktirlenýär.
Täze romany döretmek üçin emeli aňa bary-ýogy 45 minut töweregi wagt gerek bolup, taýýar tekst iki gezek neýroulgamdan geçirildikden soň adam tarapyndan okalyp, neşire taýýarlanýar. Awtor öz kitaplarynyň 1 milliondan gowrak nusgasyny satmagy başardy we 2026-njy ýylda 1 million dollardan gowrak peýda gazandy. Ýazyjynyň emeli aň bilen bilelikde döreden söýgi romanlarynyň biri hatda «Amazon» platformasynyň iň geçginli 100 bestselleriniň hataryna girmegi başardy.
Häzirki wagtda Koral Hart öz eserlerini sanly, çap edilen we audio formatlarda okyjylara hödürleýär hem-da özüni täjirçilik edebiýatynda täze eýýamyň düýbüni tutujy hökmünde görkezýär. Şeýle hem ol emeli aňdan peýdalanmak ýoly bilen kitap ýazmak dyesinde beýleki awtorlar üçin «Authorythm» diýlip atlandyrylýan ýörite programma üpjünçiligini taýýarlaýar. Bu täsin tejribe edebiýat äleminde emeli aňyň amaly mümkinçilikleriniň täze sahypasyny açdy.
Şeýle hem okanyň
Blitz