Oýun sanawy
Türkmenistanyň futbol abraýyny goraýan “Arkadag” topary AFK Çempionlar ligasy-2 turniriniň 1/8 final tapgyrynda örän güýçli garşydaş bilen duşuşar. Türkmenistanyň wekili Saud Arabystanynyň “Al-Nasr” kluby bilen güýç synanyşar, bu toparyň düzüminde dünýä futbolynyň nyşany Kriştianu Ronaldu çykyş edýär.
AFK tarapyndan tassyklanan senenama laýyklykda, ilkinji duşuşyk 11-nji fewralda Türkmenistanda, 10 müň orunlyk “Arkadag” stadionynda geçiriler. Oýun 18:45-de Aşgabat wagty bilen başlar. Jogap duşuşygy bolsa 18-nji fewralda Er-Riyad şäherinde bolar we 21:15-de başlanar.
Toparlaýyn tapgyrda “Al-Nasr” ähli duşuşyklary ýeňiş bilen tamamlady. “Arkadag” bolsa öz toparynda ikinji orny eýeläp, yzygiderli we tutanýerli oýny bilen pleý-off tapgyryna çykdy. Toparlaryň maliýe mümkinçilikleri tapawutly bolsa-da, Türkmenistan topary meýdanda häsiýet we tertip bilen çykyş etmegi başarýar.
Ronaldu bilen birlikde “Al-Nasr” düzüminde başga-da dünýä belli futbolçylar bar. Şeýle-de bolsa, “Arkadagyň” häzirki üstünlikleri Türkmenistanyň Aziýa futbolyndaky ornuny barha pugtalandyrýandygyny görkezýär.
Bu duşuşygyň ýeňijisi çärýek finalda ýene-de güýçli garşydaş bilen oýnar we uly baýrak gazanmak mümkinçiligini elde eder. Türkmenistan üçin bu diňe bir sport däl, eýsem halkara derejesindäki möhüm abraý meselesidir.
Şeýle hem okanyň
UFC 336 ýaryşynda Karlos Prates bilen Maýkl Moralesiň arasyndaky söweş Islam Mahaçewiň indiki garşydaşyny kesgitlär
26 Okt. 11:00UFC guramasynyň ýarym orta agram derejesindäki çempiony Islam Mahaçewiň indiki garşydaşy 2027-nji ýylyň 30-njy ýanwarynda Torontoda geçiriljek «UFC 336» turnirinde belli bolar. Reýtingde ikinji we üçünji orunlary eýeleýän braziliýaly Karlos Prates bilen ekwadorly Maýkl Moralesiň arasyndaky duşuşykda diňe bir çempionlyk söweşine çykmak hukugy däl, eýsem ýarym orta agram derejesindäki wagtlaýyn çempionlyk guşagy hem orta goýlar. Mahaçewiň ozaokky söweşi awgust aýynda bolup geçipdi we ol irlandiýaly Ian Gerri ýeňip, ozal ýeňil agramda eýelän üstünliklerinden soň täze agramda hem öz titulyny goramagy başarypdy.
UFC-niň ýolbaşçysy Dana Waýtyň bellemegine görä, gurama Mahaçewiň söweşini 2027-nji ýylyň ýanwarynda geçirmegi meýilleşdiripdi, emma russiýaly çempion 8-nji fewraldan 8-nji marta çenli dowam etjek Remezan aýy tamamlanýança oktagona çykmakdan ýüz öwrdi. Çempionyň çykyşlarynda arakesme boljakdygy sebäpli, gurama Prates bilen Moralesiň duşuşygyny wagtlaýyn çempionlyk söweşi derejesine göterdi. Söweşijileriň ikisi hem ýokary netijeleri görkezýärler: Prates yzly-yzyna üç gezek Jeff Nil, Leon Eduards we Jek Della Maddalena ýaly garşydaşlaryny nokauta giden bolsa, Maýkl Morales UFC-de 7 duşuşykda ýeňilmän кеlýär.
Şeýle hem Torontoda geçiriljek «UFC 336» turniriniň çäklerinde guramanyň iň ýeňil agram derejesindäki häzirki çempiony Joşua Wan öz çempionlyk guşagyny goramak üçin oktagona dolanar. Mýanmaly söweşiji çempionlyk ugrundaky duşuşykda Angolada doglan we Portugaliýa wekilçilik edýän Manel Kape bilen güýç synanyşar. Bu giň göwrümli söweş agşamy halkara sport janköyerleriniň uly sabyrsyzlygy bilen garaşýan bäsleşikleriniň birine öwrer.
Şeýle hem okanyň
Blitz