Oýun sanawy
ABŞ-nyň Prezidenti Donald Tramp futbol boýunça öňde duran dünýä çempionatynyň oýunlaryna giriş petekleriniň bahasynyň örän ýokarydygyny belläp, olary satyn almakdan saklanjakdygyny bildirdi. Amerikan lideri ABŞ-nyň we Paragwaýyň ýygyndylarynyň arasyndaky duşuşygyň 1000 dollarlyk bahasyny mysal getirip, bu nyrhlaryň garaşylandan has gymmatdygyny aýtdy. «Muny görerdim, ýöne beýle baha petek almazdym» diýen jümle bilen Tramp özüniň haýran galanlygyny beýan etdi.
2026-njy ýylyň dünýä çempionaty 11-nji iýun — 19-njy iýul aralygynda ABŞ-nyň, Kanadanyň we Meksikanyň stadionlarynda geçiriler. Petekleriň resmi bahalary adaty ýagdaýda 100 dollardan başlap, 6370 dollara çenli ýetýär. Emma habar beriş serişdeleriniň ýazmagyna görä, FIFA-nyň täze nyrh syýasaty esasy oýunlaryň bahasynyň has-da ýokarlanmagyna getirdi.
Aýratyn-da, 19-njy iýulda Nýu-Jersi ştatynyň «MetLife» stadionynda geçiriljek final duşuşygynyň petekleriniň bahasy jemgyýetçilikde uly seslenme döretdi. Käbir maglumatlara görä, final oýunyna giriş petekleriniň bahasy 32 970 dollara çenli ýokarlandyryldy. Bu bolsa öňki çempionatlar bilen deňeşdirilende bahanyň birnäçe esse gymmatladylandygyny görkezýär.
Şeýle hem okanyň
UFC 336 ýaryşynda Karlos Prates bilen Maýkl Moralesiň arasyndaky söweş Islam Mahaçewiň indiki garşydaşyny kesgitlär
26 Okt. 11:00UFC guramasynyň ýarym orta agram derejesindäki çempiony Islam Mahaçewiň indiki garşydaşy 2027-nji ýylyň 30-njy ýanwarynda Torontoda geçiriljek «UFC 336» turnirinde belli bolar. Reýtingde ikinji we üçünji orunlary eýeleýän braziliýaly Karlos Prates bilen ekwadorly Maýkl Moralesiň arasyndaky duşuşykda diňe bir çempionlyk söweşine çykmak hukugy däl, eýsem ýarym orta agram derejesindäki wagtlaýyn çempionlyk guşagy hem orta goýlar. Mahaçewiň ozaokky söweşi awgust aýynda bolup geçipdi we ol irlandiýaly Ian Gerri ýeňip, ozal ýeňil agramda eýelän üstünliklerinden soň täze agramda hem öz titulyny goramagy başarypdy.
UFC-niň ýolbaşçysy Dana Waýtyň bellemegine görä, gurama Mahaçewiň söweşini 2027-nji ýylyň ýanwarynda geçirmegi meýilleşdiripdi, emma russiýaly çempion 8-nji fewraldan 8-nji marta çenli dowam etjek Remezan aýy tamamlanýança oktagona çykmakdan ýüz öwrdi. Çempionyň çykyşlarynda arakesme boljakdygy sebäpli, gurama Prates bilen Moralesiň duşuşygyny wagtlaýyn çempionlyk söweşi derejesine göterdi. Söweşijileriň ikisi hem ýokary netijeleri görkezýärler: Prates yzly-yzyna üç gezek Jeff Nil, Leon Eduards we Jek Della Maddalena ýaly garşydaşlaryny nokauta giden bolsa, Maýkl Morales UFC-de 7 duşuşykda ýeňilmän кеlýär.
Şeýle hem Torontoda geçiriljek «UFC 336» turniriniň çäklerinde guramanyň iň ýeňil agram derejesindäki häzirki çempiony Joşua Wan öz çempionlyk guşagyny goramak üçin oktagona dolanar. Mýanmaly söweşiji çempionlyk ugrundaky duşuşykda Angolada doglan we Portugaliýa wekilçilik edýän Manel Kape bilen güýç synanyşar. Bu giň göwrümli söweş agşamy halkara sport janköyerleriniň uly sabyrsyzlygy bilen garaşýan bäsleşikleriniň birine öwrer.
Blitz