Oýun sanawy
Mugallymlaryň gatnaşmagynda bilimde emeli aňyň ulanylyşy boýunça sanly maslahat geçirildi
03 Dek. 07:14Türkmenistanyň ýokary okuw mekdepleriniň mugallymlary ÝUNESKO-nyň goldaw bermeginde ÝUNESKO-nyň ýokary bilimde innowasiýalar boýunça halkara merkezi (UNESCO-ICHEI) tarapyndan guralan «Mugallymlaryň mümkinçiliklerini giňeltmek: döredijilikli emeli aňyň okatmakda we öwrenmekde gizlin mümkinçiliklerini açmak» atly sanly maslahatyna gatnaşdylar. Bu barada «Altyn asyr» elektron gazeti habar berdi.
Maslahaty Hindi tehnologiýa institutynyň (Haragpur) Öňdebaryjy tehnologiýalar we taslamalar merkeziniň dosenti hem-de Pedagogiki okuw we kognitiw başarnyklar merkeziniň başlygynyň orunbasary Kauşal Kumar Bhagat geçiripdi.
Hünärmeniň çykyşynda getirilen maglumatlar gatnaşyjylara emeli aň tehnologiýalaryny okuw prosesinde ulanmak baradaky düşünjelerini giňeltmäge we täze tejribeleri özleşdirmäge mümkinçilik berdi.
Alyp baryjy döredijilikli emeli aňy okuw işine netijeli ornaşdyrmagyň ýollary, sapaklary AI arkaly meýilleşdirmegiň döwrebap usullary, bilimi bahalandyrmagyň häzirki zaman ulgamy, şahsylaşdyrylan öwreniş mümkinçilikleri hem-de döredijilikli mazmun taýýarlamak boýunça anyk mysallar bilen çykyş etdi.
Ýokary okuw mekdepleriniň mugallymlary maslahat döwründe mowzuklaýyn söhbetdeşliklere hem-de pikir alyşmalara işjeň gatnaşdylar.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Şeýle hem okanyň
Blitz