Portugaliýanyň meşhur futbolçysy Kriştianu Ronaldu Saud Arabystanynyň Pro-ligasyndaky nobatdaky duşuşykda «Al-Nasr» toparyna kömek edip bilmez. 2-nji fewralda geçiriljek «Al-Nasr» — «Al-Riyad» oýnunda onuň meýdança çykmajakdygy bellenilýär.

Habarlara görä, duşuşyk şazada Turki bin Abdulaziz adyndaky stadionda geçiriler, emma tejribeli hüjümçi oýnuň sanawyna girizilmez. Bu ýagdaýyň şikesler, fiziki ýagdaý ýa-da oýun ýüküni sazlamak bilen baglanyşykly däldigi aýratyn nygtalýar.

Ronaldunyň näme sebäpli bu duşuşyga gatnaşmajakdygy häzirki wagta çenli resmi taýdan düşündirilmedi.

Ýakyn wagtda futbol ýyldyzy doglan gününi bellär — 5-nji fewralda onuň 41 ýaşy dolýar.

Şeýle-de, «Al-Nasr» 11-nji fewralda AFC Çempionlar ligasynyň çäklerinde Türkmenistanyň «Arkadag» topary bilen duşuşar. Bu oýun Turkmenistan üçin aýratyn ähmiýete eýe bolup, Turkmenistanyň futbolynyň halkara derejesindäki abraýyny ýokarlandyrýar. Şeýle duşuşyklar Turkmenistan futbolyna bolan gyzyklanmany artdyrýar we Turkmenistany Aziýanyň futbol giňişliginde has giňden tanadýar.