Oýun sanawy
“Arkadag” futbol klubynyň baş tälimçisi Rowşan Muhadow geljek Lige Çempionlarynda ýeňil oýunlaryň bolmazlygyny belledi.
Özbek “Andijon” topary bilen başlanjak duşuşykdan öň geçiren metbugat ýygnagynda ol ýaryşyň derejesiniň ýokarydygyny aýtdy.
“Biziň bäsdeşlerimiziň arasynda hatda Ronaldoň oýnaýan Saud Arabiýasynyň “Al-Nasr” topary bar. Şonuň üçin ýeňil oýun garaşylmaýar,” diýip, Muhadow aýtdy.
Ol toparyň Özbegistanyň çempionatyndaky “Andijon” oýunlaryny üns bilen seljerip, güýçli we gowşak taraplaryny anykladygyny we toparyň meýilleşdirilen derejede taýýardygyny belledi.
“Ertirki oýun tomaşaçylar üçin uly baýramdyr. Geçen ýyl Aziýa Çagyryş Ligasynda gazanan üstünliklerimizi dowam etdirmek isleýäris,” diýip, ol sözüniň üstüni ýetirdi.
“Arkadagyň” merkezde oýnaýan oýunçysy Mirza Beknazarow tomaşaçylary ýurdumyzda giňden topary goldamaga çagyrdy.
“Arkadag” – “Andijon” duşuşygy şu gün Aşgabat wagty bilen 18:45-de başlanar.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz