Oýun sanawy
Gözelligiň we mähriň dabaralanmasy: Mukamlar köşgünde baýramçylyk dabarasy
09 Mart. 11:07Halkara zenanlar güni mynasybetli, Döwlet medeniýet merkeziniň Mukamlar köşgünde ýurdumyzyň gelin-gyzlarynyň hormatyna uly baýramçylyk konserti guraldy. Dabaranyň hormatly myhmanlarynyň hatarynda döwlet we jemgyýetçilik işgärleri, zähmet weteranlary hem-de halkara guramalaryň zenan wekilleri boldy.
Konsert Milli Liderimiziň «Enä tagzym — mukaddeslige tagzym» atly kitabyndan ylham alnan edebi-sazly kompozisiýa bilen badalga aldy. Sahna ussatlarynyň, belli aýdymçylaryň we ýaş estrada ýyldyzlarynyň çykyşlary mährem enelerimiziň waspy bilen utgaşdy. Aýratyn-da, çagalar hor we skripkaçylar toparlarynyň birnäçe dillerde ýerine ýetiren aýdymlary, şeýle hem ýurdumyzyň iň oňat tans toparlarynyň gatnaşmagyndaky «Küştdepdi» tansy tomaşaçylarda ýatdan çykmajak täsir galdyrdy. Dabara ähli gatnaşyjylaryň bilelikde ýerine ýetiren ruhubelent aýdymy bilen jemlenip, bagtyýar zenanlaryň kalbyndaky buýsanjyň amaly beýanyna öwrüldi.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz