Oýun sanawy
Gazagystanda geçirilen medeni çärelerde türkmen edebiýaty we sungaty üns merkezinde boldy
26 Sen. 06:49Gazagystanyň paýtagty Astana şäherindäki Milli akademik kitaphanada geçirilen dördünji ýyllyk kitap sergisinde Türkmenistanyň ilçihanasynyň gurnan sergisi aýratyn ähmiýete eýe boldy. Bu ýerde türkmen halkynyň baý medeni mirasy we edebiýet älemi giňden açyldy.
Sergide hormatly Prezidentimiz Serdar Berdimuhamedowyň eserleri, Halkyň Milli Lideri Gahryman Arkadag Gurbanguly Berdimuhamedowyň kitaplary hem-de beýik şahyrymyz Magtymguly Pyragynyň döredijiligi görkezildi. Çäräniň myhmanlary sergä uly gyzyklanma bildirdiler — diplomatlar, alymlar we edebiýaty söýüjiler türkmen eserleri bilen tanyş boldular. Şeýle-de, sergide ýurdumyzyň taryhy we medeni ösüşine bagyşlanan neşirler görkezildi. Günüň jemleýji bölegi bolsa milli aýdym-saz bilen bezelen çykyşlara bagyşlandy.
25-nji sentýabrda bolsa Astanadaky Magtymguly Pyragynyň ýadygärliginiň ýanynda Garaşsyzlygyň 34 ýyllygyna bagyşlanan medeni çäre geçirildi. Bu çärä Türkmenistanyň Gazagystandaky ilçihanasy, şäher häkimligi we jemgyýetçilik guramalary gatnaşdy. Türkmenistanyň Gazagystandaky Ilçisi Batyr Rejepow dabaraly çykyş etdi. Gatnaşyjylar beýik şahyryň ýadygärligine gül goýdular.
Çäräniň dowamynda “Nomad” koreografiýa akademiýasy tarapyndan milli tansymyz “Küştdepdi” ýerine ýetirildi, türkmen talyplary bolsa Magtymgulynyň şygyrlaryny okadylar.
Medeni çäreler Almaty we Aktau şäherlerindäki Türkmenistanyň konsullyklary tarapyndan dowam etdirildi. 25-nji sentýabrda bu şäherlerde türkmen talyplary “Küştdepdi” tansy bilen çykyş etdiler. Bu çäreler Halkara parahatçylyk we ynam ýylynyň çäklerinde guraldy.
Çäräniň ahyrynda çykyş eden talyplar hormatly Prezident Serdar Berdimuhamedowa we Halkyň Milli Lideri Gurbanguly Berdimuhamedowa öz minnetdarlyklaryny beýan edip, Watanymyzy daşary ýurtlarda mynasyp wekilçilik etmek islärini nygtadylar.
Şeýle hem okanyň
Özbegistanda latyn ýazuwyna esaslanýan özbek elipbiýiniň täzelenen we kämilleşdirilen görnüşi tassyklanyldy
Bugün 10:24Özbegistanyň Prezidenti latyn elipbiýine esaslanýan özbek ýazuwynyň täzelenen görnüşini tassyklamak hakyndaky möhüm kanuna gol çekdi. Resmi resminama 2027-nji ýylyň 22-nji aprelinde doly güýje girer. Elipbiýniň täze nusgasy 28 sany harpdan we apostrof belgiden ybarat bolup, ozalky ýazuwda giňden ulanylan käbir harp birleşmelerini aýratyn harplar bilen çalşyrmagy göz öňünde tutýar. Netijede, häzirki wagtda ulanylýan «Sh» harp birleşmesi «Ş», «Ch» — «Ç», «Oʻ» — «Ö», al «Gʻ» bolsa «Ğ» görnüşinde ýazylar, şeýle hem «Ng» birleşmesi elipbiýiň aýratyn birligi hökmünde aýrylar.
Täze kanunyň kabul edilmegi bilen baglylykda, Özbegistanyň Ministrler Kabineti ýakynda täzelenen latyn elipbiýine geçmek boýunça ýörite döwlet maksatnamasyny tassyklamalydyr. Bu maksatnama täze ýazuw düzgünleriniň ýurduň dürli pudaklarnda, şol sanda neşirýatda, maglumat ulgamlarynda we dolandyryş edaralarynda haýsy möhletlerde ornaşdyryljagyny anyk kesgitlər. Kanun güýje giren gününden başlap, ähli köpçülikleýin habar beriş serişdeleri, döwlet edaralary we resmi edaralar resminamalary täze bitewi düzgünler esasynda ýöretmäge borçly bolarlar.
Şeýle hem täze elipbiýe geçiş döwründe ýüze çykyp biljek kynçylyklaryň öňüni almak üçin ýeňillikler göz öňünde tutuldy: 2027-nji ýylyň 22-nji apreline çenli öňki elipbiýde çap edilen resminamalar, pul birlikleri we gymmatly kagyzlar öz güýjüni doly saklar. Döwlet edaralarynyň öňki nyşanlaryny, binalardaky ýazgylary we ýol görkezijilerini bolsa olar fiziki taýdan könelýänçä ýa-da hökümet maksatnamasynda görkezilen möhletlere çenli ulanmaga rugsat berler. Mundan başga-da, täze düzgünlere laýyklykda taýýarlanan mekdep okuw kitaplaryny 2031-nji ýyla çenli çap edip tamamlamak meýilleşdirilýär.
Şeýle hem okanyň
Blitz