Oýun sanawy
Ilon Mask «Wikipediýanyň» alternatiw görnüşi bolan Grokipedia-nyň işe giriziliş senesini mälim etdi
Ilon Mask öziniň täze sanly ensiklopediýasy Grokipedia-nyň synag görnüşindäki işe girizilişiniň indiki iki hepdäniň dowamynda boljakdygyny habar berdi. Bu barada xAI kompaniýasynyň ýolbaşçysy öz sosial ulgamyndaky X sahypasynda ýazdy.
Grokipedia xAI kompaniýasynyň emeli aň tehnologiýalaryna esaslanýan akylly platforma hökmünde döredilýär. Bar bolan maglumatlara görä, ulgam eýýäm X ekoulgamyna ornaşdyrylan Grok atly chatbotyň bilim binýadyna daýanyar.
Taslamanyň esasy maksady — açyk çeşmelerden maglumatlary toplamak, täzelenmek, maglumatlary barlamak we degişli kontekst goşmakdyr. Işläp taýýarlaýjylar Grokipedia-nyň diňe ulanyjylar üçin däl-de, emeli aň ulgamlary üçin hem elýeterli boljagyny, mazmunyň açyklygyny we bilelikde redaktirleme mümkinçiligini üpjün etjekdigini belleýärler.
Häzirlikçe täze ensiklopediýanyň X platformasyna göni integrirlenjekdigi ýa-da aýratyn web sahypasy görnüşinde hödürlenjekdigi barada takyk maglumat berilmedi.
Şeýle hem okanyň
Iň köp görülen
Türkmenistan «Bitewi saglyk» taslamasynyň çäklerinde sebitleýin hyzmatdaşlygy güýçlendirýär
29-31-nji oktýabr aralygynda Täjigistanyň paýtagty Duşenbede «Pandemiýalaryň öňüni almak, azyk howpsuzlygyny hem-de ekoulgamlaryň sagdynlygyny üpjün etmek üçin Merkezi Aziýada “Bitewi saglyk”» atly taslamanyň ilkinji sebitleýin maslahaty we Sebitleýin utgaşdyryş geňeşiniň mejlisi geçirildi. Bu barada Türkmenistanyň Oba hojalyk ministrliginiň Döwlet weterinariýa gullugy habar berdi.
Maslahata Merkezi Aziýa ýurtlarynyň hökümetleriniň we degişli ministrlikleriniň wekilleri, şeýle hem halkara guramalar we ösüş boýunça hyzmatdaşlar gatnaşdylar. Türkmenistanyň wekiliýeti oba hojalyk, saglygy goraýyş we derman senagaty, daşky gurşawy goramak, şeýle hem maliýe we ykdysadyýet ministrlikleriniň hünärmenlerinden ybarat boldy.
Umumy mejlisde Türkmenistanyň Oba hojalyk ministrliginiň adyndan Döwlet weterinariýa gullugynyň halkara we ylmy aragatnaşyklar bölüminiň müdiri Arslan Soltanmyradow çykyş etdi. Ol Türkmenistanyň Prezidentiniň ýolbaşçylygynda durnukly ösüş ugrunyň yzygiderli durmuşa geçirilýändigini, ilatyň saglygyna, haýwanat dünýäsiniň goralmagyna hem-de ekologiýa howpsuzlygyna aýratyn üns berilýändigini belledi.
A.Soltanmyradowyň bellemegine görä, «Bitewi saglyk» konsepsiýasy azyk howpsuzlygyny üpjün etmäge, mallardan adamlara geçýän keselleriň (zoonozlaryň) öňüni almaga we weterinariýa-sanitariýa abadançylygyny pugtalandyrmaga gönükdirilendir. Ol Türkmenistanyň bu ugurda edaralaryň we sebit ýurtlarynyň arasyndaky hyzmatdaşlyga işjeň gatnaşýandygyny nygtady.
Maslahat, ýurtlaryň arasynda tejribe alyşmak, bilelikdäki çäreleri utgaşdyrmak hem-de sebitleýin hyzmatdaşlygy ösdürmek üçin meýdança öwrüldi. Gatnaşyjylar Sebitleýin utgaşdyryş geňeşiniň işiniň ýola goýluşyny we taslamany ýerine ýetirmäge goldaw berjek tehniki iş toparlaryny döretmek meselelerini ara alyp maslahatlaşdylar.
Forumyň gatnaşyjylary Türkmenistanyň «Bitewi saglyk» ulgamynyň ösdürilmegine goşan möhüm goşandyny bellediler we Merkezi Aziýa ýurtlarynyň bilelikdäki tagallalarynyň dünýä derejesinde biologik we azyk howpsuzlygyny üpjün etmäge mynasyp goşant goşjagyna ynam bildirdiler.
Şeýle hem okanyň
Blitz