Oýun sanawy
Rustam Minnihanow Täzeden Tatarystanyň Baştutany Boldy
15 Sen. 10:352025-nji ýylyň 15-nji sentýabrynda RF-niň Merkezi saýlaw komissiýasy Rüstem Minnihanowyň Tatarystanyň Baştutanlygyna geçirilen saýlawlarda 88,09% ses bilen ýeňiji bolandygyny habar berdi. Netijeler ähli protokollaryň işlenip gutarylmagyndan soň mälim edildi.
Saýlawlara dört dalaşgär gatnaşdy. "Ýedinji Russiýa" partiýasynyň wekili bolan Minnihanowdan başga-da, Tatarystanyň Döwlet Geňeşiniň deputaty Hafiz Mirgalimow (KPRF), Pensiýaçylaryň partiýasyndan Witaliý Smirnow we LDPR-den Ruslan Ýusupow çykyş etdiler.
68 ýaşly Rüstem Minnihanow 2010-njy ýyldan bäri Tatarystanyň ýolbaşçysy bolup işleýär. 2005–2010 ýyllarda ol respublikanyň premýer-ministri bolupdy. Şeýle hem ol 2015 we 2020 ýyllarda bu wezipä täzeden saýlanypdy.
2023-nji ýylda Minnihanow Tatarystanyň Konstitusiýasyna üýtgetme girizýän kanuna gol çekdi, bu üýtgetme boýunça ýolbaşçynyň wezipesi "başlyk" ýa-da "rais" diýip resmi taýdan atlandyrylýar.
Minnihanow öz ýolbaşçylyk döwründe birnäçe döwlet sylaglaryna mynasyp boldy. 2021-nji ýylda ol Türkmenistan bilen sebitleýin hyzmatdaşlygyň ösdürilmegine goşan goşandy üçin “Garaşsyzlyk” ordeni bilen sylaglanyldy.
Tatarystan köp ýyllaryň dowamynda Türkmenistan bilen Russiýanyň sebitleýin gatnaşyklarynda möhüm orny eýeleýär. Türkmenistanyň Daşary işler ministrliginiň maglumatyna görä, Tatarystan güýçli ykdysady kuwwaty we iki halkyň arasyndaky taryhy gatnaşyklaryň netijesinde Russiýanyň sebitleriniň arasynda aýratyn orny eýeleýär. Senagat, söwda, ulag we oba hojalygy ulgamlarynda hyzmatdaşlyk üstünlikli ösýär.
Şeýle hem okanyň
«Microsoft» kompaniýasy 60 müňe golaý işgärine öwez tölegi bilen meýletin işden çykmagy teklip etdi
Bugün 09:12«Microsoft» korporasiýasy ABŞ-da, Kanadada, Beýik Britaniýada we Hindistanda zähmet çekýän 60 müň töweregi zähmetkeşine degişli öwez töleglerini tölemek şerti bilen işden meýletin gitmek maksatnamasyny hödürledi. «Business Insider» neşiriniň habar bermegine görä, bu teklip kompaniýanyň ýokary derejeli ýolbaşçylaryna we inženerçilik hünärmenlerine degişli bolman, meýletin gitmek isleýän beýleki işgärler dekabr aýynyň başyna çenli öz gutarnykly kararlaryny bildirmelidirler.
Bu başlangyç «Microsoft» kompaniýasynyň işgär sanyny kadalaşdyrmak hem-da meýilleşdirilmedik mejbury işden боşatmalaryň öňüni almak boýunça amala aşyrýan nobatdaky çäresidir. Häzirki wagtda emeli aň infrastrukturasyna we innowasion taslamalara uly möçberde maýa goýumlaryny ýöneltýän tehnologiýa ägirdi şol bir wagtyň özünde içki çykdajylary optimizirlemegi maksat edinýär. 2026-njy ýylyň iýun aýyndaky maglumatlara görä, kompaniýada 226 müň adam zähmet çekýärdi, diýmek, täze meýletin maksatnama işgärleriň dörtden bir bölegine golaýyny öz içine alýar.
Bellenilmeli z zat, 2026-njy ýylyň aprelinde hem «Microsoft» ABŞ-daky gullukçylaryna meýletin işden gitmek maksatnamasyny hödürläpdi. Şonda ýaşy bilen kompaniýadaky zähmet stajynyň jemi 70-den geçýän, takmynan, 9 müň işgär bu şertlere laýyk gelip, olaryň üçden bir bölegi berilen teklibi kabul edipdi.
Şeýle hem okanyň
Blitz