Türkmenistanyň Bitaraplygynyň 30 ýyllyk baýramyna görülýän taýýarlyk çäreleriniň çäklerinde paýtagt Aşgabatda giň gerimli abadanlaşdyryş işleri alnyp barylýar. Şu sebäpli şäheriň käbir köçelerinde we şaýollarynda ulag hereketi wagtlaýyn çäklendirilýär, diýip şäher häkimligi Turkmenportal arkaly habar berýär.

Ulag çäklendirmesi aşakdaky ýerlerde girizilýär:

• 30-njy oktýabra çenli: Bitarap Türkmenistan şaýoly — Bitaraplyk binasyndan Atamyrat Nyýazow şaýoluna çenli;

• 20–30-njy sentýabr aralygynda: «On at» heýkeli we Çary Nurymow köçesi — Alyşir Nowaýy köçesinden Saparmyrat Türkmenbaşy şaýoluna çenli;

• 20-nji sentýabr — 2-nji oktýabr: Galkynyş köçesi — S.Türkmenbaşy şaýolundan Sona Myradowa köçesine çenli;

• 27-nji sentýabr — 12-nji oktýabr: Görogly köçesi — Atamyrat Nyýazow şaýolundan Alty Garlyýew köçesine çenli;

• 1-nji oktýabr — 1-nji noýabr: Çandybil şaýoly — Bitarap Türkmenistan şaýolundan N.Andalyp köçesine çenli;

• 10–25-nji oktýabr: A.Annaýew köçesi — G.Soltan eje şaýolundan Azady köçesine çenli;

• 15-nji oktýabr — 1-nji noýabr: G.Ezizow köçesi — Garaşsyzlyk şaýolundan Atatürk köçesine çenli;

• 23-nji oktýabr — 1-nji noýabr: S.Myradowa köçesi — Magtymguly şaýolundan A.Nyýazow şaýoluna çenli;

• 31-nji oktýabr — 5-nji noýabr: S.Türkmenbaşy şaýoly — G.Soltan eje şaýolundan Magtymguly şaýoluna çenli;

• 1–15-nji noýabr: Sahy Jepbar köçesi — Garaşsyzlyk şaýolundan Atatürk köçesine çenli;

• 4–10-njy noýabr: Magtymguly şaýoly — N.Andalyp köçesinden Mekdepler köçesine çenli;
  we Andalyp köçesi — Magtymguly şaýolundan «Erkanalyk» binasynyň ýanyndaky aýlawly çatryga we Keminä çenli;

• 15–30-njy noýabr: Alyşir Nowaýy köçesi — Garaşsyzlyk şaýolundan G.Soltan eje şaýoluna çenli.

Hormatly ýaşaýjylar we myhmanlar, bu üýtgeşmeleriň ulag hereketine täsir edip biljekdigini nazarda tutmagyňyz haýyş edilýär.