Oýun sanawy
Van Oord kompaniýasy Türkmenistanyň deňiz infrastruktura taslamalaryna gyzyklanma bildirýär
17 Okt. 12:58Belgiýanyň paýtagty Brýusselde Türkmenistanyň ilçisi Sapar Palwanow bilen dünýä belli Van Oord kompaniýasynyň direktory Pol Wortmeýeriň arasynda duşuşyk geçirildi. Bu kompaniýa deňiz gurluşygy we düýpli gämigurluşyk boýunça öňdebaryjy halkara tejribe eýedir.
Duşuşykda esasan Türkmenbaşy Halkara deňiz portunyň mümkinçilikleri, Kaspiniň kenaryndaky infrastruktura taslamalary we özara hyzmatdaşlygyň geljegi ara alnyp maslahatlaşyldy.
Pol Wortmeýer özüniň Türkmenistana sapar bilen gelmegi we her ýyl geçirilýän Halkara nebitiň we gazyň maslahaty OGT-2025-e gatnaşmak islegini beýan etdi. Onuň bu sapary ýurduň energetika mümkinçilikleri bilen ýakyndan tanyşmaga gönükdiriler.
Şeýle hem belläp geçsek, şu ýyl geçiriljek “Türkmenistanyň nebit we gaz pudagy – OGT 2025” atly halkara forumyna dünýäniň 70 döwletinden 1400-den gowrak wekiliň gatnaşmagyna garaşylýar. Bu çäre sebitde energetika we maýa goýum hyzmatdaşlygynyň möhüm meýdançasy bolup durýar.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz