Oýun sanawy
Döwran Şammyýew “Silk Way Star” aýdym-saz bäsleşiginde ilkinji üçlüge girdi
22 Sen. 13:4820-nji sentýabrda Gazagystanda halkara derejesindäki Silk Way Star atly uly aýdym-saz taslamasynyň ilkinji bölümi görkezildi. Taslamada 12 ýurduň zehinli ýerine ýetirijileri çykyş edýär. Türkmenistanly belli aýdymçy Döwran Şammyýew ýurdumyzyň wekili hökmünde çykyş edýär. Halkara eminler toparynda bolsa, Türkmenistanyň at gazanan artisti Rasul Klyçew çykyş edýär.
Döwran Şammyýew ilkinji bölümde özüniň döreden aýdymy “Eşityäñmi olary” ("Olary eşidýärsiňmi?") bilen çykyş edip, 120 utuk gazandy we ilkinji üçlüge girmäge başardy.
Bu bölümde birinji orny Malaýziýaly aýdymçy (126 utuk), ikinji orny bolsa Özbegistandan gatnaşyjy (122 utuk) eýeledi. Bäsleşik ýene 9 bölüm bilen dowam eder, her bölümiň dowamlylygy 100 minutdan gowrak.
Şowda bäsleşik çykyşlary, halklaryň arasynda duetler, köp dilli aýdymlar we iň soňunda gala-konsert bolar. Gala-konsert 22-nji noýabrda göni ýaýlymda Jibek Joly telekanaly we beýleki ýurtlaryň esasy telekanallarynda görkeziler.
Ýeňiji emin agzalarynyň (50%) we tomaşaçylaryň onlaýn ses bermeginiň (50%) jemleýji netijesi boýunça kesgitlener.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Şeýle hem okanyň
Blitz