2025-nji ýylyň 11-nji oktýabrynda, Gazagystanda döredilen Higgsfield AI atly emeli aň ugrunda işleýän täze kompaniýa, bazar bahasy boýunça 1 milliard dollardan geçip, ýurduň ilkinji milliarder kompaniýasy hökmünde taryha girdi. Bu barada kompaniýanyň esaslandyryjysy we baş direktory Aleks Maşrabow habar berdi.

Hyzmatlar we strategik ösüş
Higgsfield AI müşderilere aýratynlyklara eýe bolan AI modellerine abuna esasynda girmegi üpjün edýär. Ýakynda kompaniýa Alibaba-nyň Wan 2.5 modelini 100 million dollara satyn aldy. Bu mümkinçilikler arkaly ulanyjylar özboluşly kameraly hereketli wideo reklama we treýlerleri döredip bilerler.

Esaslandyryjy we girdeji görkezijileri
Aleks Maşrabow öň Snap Inc. kompaniýasynyň generatiw AI bölümine ýolbaşçylyk etdi. Ol bu üstünlikleriň diňe bir Higgsfield AI üçin däl, eýsem bütin Gazagystan üçin tehnologiýa ösüşinde täze bir döwri açýandygyny nygtady. Kompaniýanyň ýyllyk girdejisi 50 million dollardan ýokary.

Maýa goýujylaryň we sebitlrýin täsir barada aýdylanda, Higgsfield AI dünýäniň öňdebaryjy maýa goýum fondlarynyň, şol sanda Menlo Ventures-iň goldawyny aldy. Bu fond öň Anthropic ýaly iri AI kompaniýalarynyň ösüşine hem gatnaşypdy.

Bellenilişine görä, bu üstünlik Merkezi Aziýanyň tehnologiýa meýdanynda täze başlangyçlara ýol açar we halkara maýa goýujylaryň ünsüni çekip biler.