Oýun sanawy
Gurbannazar Ezizowyň 85 ýyllyk toýuna bagyşlanan dabara
13 Noý. 13:29Noýabryň 14-ne Türkmenistanyň halk ýazyjysy, Magtymguly adyndaky döwlet baýragynyň eýesi Gurbannazar Ezizowyň doglan gününiň 85 ýyllygyna bagyşlanyp, «Güýzüň waspçysy, parahatçylygyň şahyry: Gurbannazar Ezizowyň şygryýeti — türkmen pelsepesiniň kämilligi» atly aýdym-sazly dabara geçiriler.
Dabara Türkmenistanyň Medeniýet ministrligi bilen «Edebiýat we sungat» gazetiniň redaksiýasy tarapyndan bilelikde guralýar.
Magtymguly adyndaky milli sazly drama teatrynda geçiriljek dabarada aýdym-sazlar, edebi-çeper çykyşlar, şahyryň ömründen we döredijiliginden gürrüň berýän wideoýazgylar görkeziler.
Bu dabara şahyryň döredijiligine uly sarpa goýýan muşdaklar üçin ýatdan çykmajak pursatlara baý bolar.
Senesi: 14-nji noýabr
Wagty: 15:00
Ýeri: Magtymguly adyndaky milli sazly drama teatry
Giriş mugt
Şygryýetiň muşdaklaryny beýik şahyrymyza bagyşlanan bu dabara gatnaşmaga çagyrýarys!
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Şeýle hem okanyň
Blitz