30-njy sentýabrda Aşgabatda Irlandiýanyň Türkmenistanyň täze Adatdan daşary we Doly ygtyýarly ilçisi Kler Brosnan resmi taýdan ynanç hatlaryny Türkmenistanyň Mejlisiniň Başlygy Dunyagözel Gulmanowa gowşurdy.

Irlandiýanyň Prezidenti Maýkl D. Higginsiň hatynda bellelişi ýaly, bu bellige alyş iki ýurduň arasyndaky dostlukly gatnaşyklaryň has-da pugtalandyrylmagyna gönükdirilendir. Prezident Brosnanyň ýokary hünär derejesine ünsi çekip, onuň bu wezipäni üstünlikli ýerine ýetirjekdigine ynam bildirdi hem-de türkmen halkyna parahatçylyk we abadançylyk arzuw etdi.

Dunyagözel Gulmanowa diplomaty bu jogapkärli wezipä bellenmegi bilen gutlap, ikitaraplaýyn hyzmatdaşlygyň ösdüriljekdigine umyt bildirdi. Ilçi hem öz gezeginde Prezident Serdar Berdimuhamedow üçin Irlandiýa hökümetiniň hoşniýetli arzuwlaryny ýetirdi.

Saparyň dowamynda Kler Brosnan Türkmenistanyň parlamentiniň işi, kanunçlygyň döwrebaplaşdyrylmagy we ýurduň içeri hem-de daşary syýasat ugurlary bilen tanyşdy.

Şol gün diplomat Türkmenistanyň Daşary işler ministrliginde hem duşuşyk geçirdi. Ministriň orunbasary Serdar Muhammetdurdyýew bilen bolan gepleşiklerde syýasy-diplomatik, ykdysady we medeni gatnaşyklary giňeltmegiň mümkinçilikleri ara alnyp maslahatlaşyldy.

Taraplar Türkmenistanyň we Irlandiýanyň halkara guramalaryň, esasan hem BMG-niň çäklerinde işjeň hyzmatdaşlyk edýändigini, birnäçe Kararnamalaryň bilelikde awtorlygyna gatnaşandygyny nygtadylar. Şeýle-de, ylym-bilim ulgamlaryndaky gatnaşyklary giňeltmek we şertnama-hukuk binýadyny kämilleşdirmek meselelerine aýratyn üns berildi.

Irlandiýa tarapyna Türkmenistanyň Bitaraplygynyň 30 ýyllygyna bagyşlanan halkara çärelere gatnaşmak teklip edildi.