Oýun sanawy
WhatsApp 13 ýaşdan kiçi ulanyjylar üçin ene-ata gözegçiligindäki akkauntlary döreder
14 Mart. 11:23WhatsApp messenjeri ýakyn wagtda 13 ýaşdan kiçi ulanyjylar üçin aýratyn akkaunt görnüşini işe girizmegi meýilleşdirýär. Şeýle hasaplar ene-atalar ýa-da hossarlar tarapyndan döredilip, olaryň gözegçiligi astynda dolandyrylar. Bu barada Meta kompaniýasy maglumat berdi.
DW neşiriniň ýazmagyna görä, täze mümkinçilik maşgalalar hem-de çagalaryň howpsuzlygy boýunça hünärmenler bilen bilelikde taýýarlanyldy.
Çaga üçin akkaunt döredilenden soň, onuň ulanylyşy ene-atasynyň ýa-da hossarynyň gözegçiliginde bolar. Uly ýaşlylar çaga kime habar ýazyp biljekdigini kesgitläp bilerler we onuň haýsy toparlaýyn söhbetdeşliklere goşulmagyna rugsat beriljekdigini çözerler.
Mundan başga-da, ene-atalar nätanyş adamlardan gelýän habar sargytlaryny barlap bilerler we çaganyň akkauntyndaky gizlinlik sazlamalaryny dolandyryp bilerler.
Mundan öň Awstraliýada çagalaryň we ýetginjekleriň ruhy ýagdaýy baradaky aladalar sebäpli olaryň jemgyýetçilik torlaryny ulanmagyna käbir çäklendirmeleriň girizilendigi habar berlipdi. Şuňa meňzeş çäreleri kabul etmek meselesi başga birnäçe ýurtda hem ara alnyp maslahatlaşylýar.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Şeýle hem okanyň
Blitz