Oýun sanawy
Tramp: ABŞ bilen Türkmenistanyň arasynda ykdysady hyzmatdaşlygy giňeltmäge umyt bildirýär
ABŞ-nyň öňki Prezidenti Donald Tramp Türkmenistanyň Prezidenti Serdar Berdimuhamedowy Garaşsyzlygyň 34 ýyllygy bilen gutlap, döwletara hyzmatdaşlygyň ösdürilmegine uly gyzyklanma bildirýändigini beýan etdi.
Gutlag hatynda Tramp, iki ýurduň arasynda ykdysady mümkinçilikleriň giňeldilmeginiň möhümdigini belläp, sebitdäki meseleleri bilelikde çözmegiň ähmiýetine ünsi çekdi. Ol bu gatnaşyklaryň iki tarapyň-da abadançylygyna hyzmat etjekdigine ynam bildirdi.
Tramp Amerikanyň Birleşen Ştatlarynyň Türkmenistanyň garaşsyzlygyny, çäk bitewiligini we halkara hukuklaryny doly goldaýandygyny aýtdy. Şeýle-de, ýurduň hemişelik bitaraplyk syýasatyna hormat goýýandygyny nygtady.
Ol geljek ýyl ikitaraplaýyn gatnaşyklary has-da güýçlendirmek üçin täze mümkinçilikleriň açyljakdygyna ynam bildirip, türkmen halkyna ösüş we abadançylyk arzuw etdi.
Şeýle hem okanyň
Iň köp görülen
Belgradda Türkmenistanyň we Serbiýanyň arasyndaky hyzmatdaşlyk we «EXPO-2027»-e gatnaşmak barada gepleşikler geçirildi
Belgradda Türkmenistanyň we Serbiýanyň daşary işler ministrlikleriniň arasynda syýasy maslahatlaryň nobatdaky tapgyry geçirildi. Türkmenistanyň wekiliýetini Daşary işler ministriniň orunbasary Ahmet Gurbanow, serbiýa tarapyny bolsa Daşary işler ministrliginiň döwlet sekretary Damýan Ýowiç ýolbaşçylyk etdi.
Gepleşikler dowamynda iki ýurduň ikitaraplaýyn gatnaşyklarynyň esasy ugurlary boýunça guralan konstruktiv we mazmunly pikir alyşmalar geçirildi. Diplomatlar syýasy maslahatlaryň yzygiderli geçirilmeginiň täsirli koordinaýyş mehanizm hökmünde uly ähmiýetini belläp geçdiler. Şeýle hem, gatnaşyklary has-da ösdürmek maksady bilen ikitaraplaýyn kanuny esaslary kämilleşdirmegiň zerurdygy tassyklanyldy.
Ikitaraplaýyn ykdysady hyzmatdaşlygyň iň geljegi uly ugurlary hökmünde söwda, dokma senagaty, türkmen polimerleriniň, gübreleriň we oba hojalygy önümleriniň eksporty kesgitlendi. Medeniýet, bilim we syýahatçylyk ýaly gumanitar ugurlarda gatnaşyklary ösdürmäge aýratyn üns berildi.
Gepleşiklerde, Türkmenistanyň we Serbiýanyň BMG ýaly halkara guramalarda ýakyn hyzmatdaşlyk edýändigi we möhüm halkara başlangyçlary boýunça bilelikde işler alyp barýandygy kanagatlanma bilen bellenildi. Iki ýurduň arasynda ýokary derejede ynam we global meseleler boýunça pozisiýalaryň gabat gelýändigi nygtaldy.
«EXPO-2027» barada duşuşyk
Serbiýadaky saparynyň çäginde Türkmenistanyň Daşary işler ministriniň orunbasary Ahmet Gurbanow Belgradda «EXPO-2027» halkara sergisi boýunça direktory Danilo Ýeriňiç bilen duşuşyk geçirdi.
Gepleşikler dowamynda, 2027-nji ýylyň 15-nji maýyndan 15-nji awgustyna çenli geçiriljek bu iri halkara sergi boýunça Türkmenistanyň gatnaşygyna degişli guramaçylyk meseleleri jikme-jik maslahatlaşyldy. Türkmenistanyň şeýle uly möçberli halkara çärede gatnaşmagy, ýurdyň ylym, tehnologiýa we durnukly ösüş pudaklaryndaky gazananlaryny görkezmäge mümkinçilik berer.
Şeýle hem okanyň
Blitz