Oýun sanawy
Serbiýanyň paýtagty Belgradda geçirilen halkara ýaryşyna gatnaşan Türkmenistanyň adaty karate boýunça milli ýygyndysy üstünlikli çykyş edip, iki medal bilen ýurduna dolandy.
21–34 ýaş aralygyndaky türgenleriň şahsy bäsleşiklerinde Selim Myratdurdyýew güýçli garşydaşlaryny ýeňip, altyn medala mynasyp boldy.
Şol bir derejedäki ýaryşda Eziz Zekereýew hem üstünlik gazanyp, üçünji orny eýeledi we milli ýygyndynyň medal baýlygyny artdyrdy.
Bu netijeler türkmen karateçileriniň halkara sport meýdançasynda yzygiderli ýokary dereje görkezýändigini hem-de ýokary sepgitlere ýetmek boýunça berkarar isleglerini tassyklady.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz