Warşawa şäherinde guralan resmi duşuşygyň çäklerinde Türkmenistanyň Döwlet migrasiýa gullugynyň başlygy A.Sazakow we Polşanyň Serhet gullugynyň ýolbaşçysy Robert Bagan migrasiýa ulgamynda özara düşünişmek baradaky Ähtnama gol çekdiler. Bu resminama iki döwletiň hukuk goraýjy we serhet gulluklarynyň arasyndaky gatnaşyklary täze hile götermäge gönükdirilendir.

Täze gol çekilen Ähtnama laýyklykda, taraplar geljekde maglumatlary we öňdebaryjy iş tejribelerini işjeň alyşmagy meýilleşdirýärler. Şeýle-de resminamanyň çäklerinde iki edaranyň hünärmenleriniň arasynda hünär gatnaşyklaryny ösdürmek, bilelikdäki geňeşmeleri we bilermenleriň ýörite duşuşyklaryny yzygiderli gurnamak göz öňünde tutulýar.

Gepleşikleriň resmi böleginde taraplar diňe bir ikiçäk gatnaşyklar bilen çäklenmän, eýsem ählumumy migrasiýa ugurlarynyň çäklerinde özara bähbitli hyzmatdaşlygyň geljekki mümkinçiliklerini hem giňişleýin ara alyp maslahatlaşdylar. Taraplar bu ugurdaky bilelikdäki ädimleriň sebit howpsuzlygyna goşant goşjakdygyny tassykladylar.