Oýun sanawy
Türkiýäniň syýahatçylyk zolagy bolan Antalýanyň deňiz kenarlarynda agramy 10 kilograma çenli ýetýän äpet mylkylaryň (meduzalaryň) köpelýändigi barada duýduryş berildi. Akdeniz uniwersitetiniň alymlarynyň aýtmagyna görä, «Rhopilema nomadica» görnüşli bu jandarlar soňky günlerde öwsen güýçli ýeller we akymlar arkaly Gyzyl deňizden bu ýerlere gelipdir.
Alymlar bu mawy jandarlaryň murtlarynyň uzynlygy bir ýarym metre ýetýändigi sebäpli, suwa düşýänleriň örän seresap bolmalydygyny belleýärler. Eger bu jandarlar bilen galtaşma dörän halatynda, şol ýeri gyzgyn suw ýa-da ammiak bilen arassalamak maslahat berilýär. Çaklamalara görä, bu howply mylkylar iýun aýyna çenli kenarýaka suwlarynda galmagyna dowam ederler.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Şeýle hem okanyň
Blitz