Oýun sanawy
Köp çagaly maşgalalar üçin täze ýaşaýyş jaýlarynyň dabaraly açylyşy boldy
09 Mart. 08:01Halkara zenanlar gününiň şanyna, paýtagtymyz Aşgabatda we akylly Arkadag şäherinde sekiz we şondan köp çagany dünýä indiren «Ene mähri» diýen hormatly adyň eýelerine täze ýaşaýyş jaýlarynyň açarlary gowşuryldy. Bu dabaraly çäre ýurdumyzda maşgala mukaddesligine we enelige goýulýan sarpanyň amaly beýanyna öwrüldi.
Täze jaýlaryň gurluşygynda we enjamlaşdyrylyşynda häzirki zaman ölçegleri bilen milli binagärlik ýörelgeleri utgaşdyrylypdyr. Otaglaryň giňligi, aşhanalaryň häzirki zaman tehnologiýalary bilen üpjün edilmegi we çagalar üçin döredilen amatlyklar täze jaýlaryň esasy aýratynlyklarydyr. Täze öýli bolan eneler we olaryň bagtyýar maşgalalary bu ajaýyp baýramçylyk sowgady üçin döwlet Baştutanymyza hem-de türkmen halkynyň Milli Liderine özleriniň tüýs ýürekden minnetdarlyklaryny bildirdiler.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Şeýle hem okanyň
Blitz