Oýun sanawy
Röwşen Nepesowyň orkestri Türkmenistanda türk seriallarynyň meşhur sazlary bilen konsert berer
02 Few. 14:48Türkmenistanyň paýtagty Aşgabatda sungat muşdaklary üçin aýratyn aýdym-saz agşamy guralýar. 15-nji fewralda «Watan» kino-konsert merkezinde Röwşen Nepesowyň ýolbaşçylygyndaky orkestr «Meşhur türk seriallarynyň sazlary» atly konsert programmasy bilen çykyş eder.
Bu konsert Türkmenistanda diňleýjileriň köpsanly islegleriniň esasynda meýilleşdirildi. Çäräniň dowamynda türk seriallary arkaly giňden tanalan saz eserleri orkestriň ýerine ýetirmeginde ýaňlanar.
Konserti dirižýor Eziz Jumanyýazow alyp barar. Sazly agşam iki tapgyrda geçiriler — birinji konsert sagat 17:00-da, ikinjisi bolsa 19:00-da başlar.
Çäre barada goşmaça maglumatlary almak üçin Türkmenistanda 861235234 telefon belgisine ýüz tutmak mümkindir.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz