Türkmenistanyň Prezidenti Serdar Berdimuhamedow ýaş estrada we höwesjeň aýdymçylaryň arasynda tapawutlanan on adamy «Türkmenistanyň hemişelik Bitaraplygynyň 30 ýyllygy» atly ýadygärlik kümüş nyşany bilen sylaglady. Bu barada TDH döwlet habarlar gullugy habar berdi.

Sylaga mynasyp bolanlar ýurduň medeni durmuşynda işjeň gatnaşýan sungat işgärleri, mugallymlar we talyplardyr:

— «Türkmengaz» döwlet konserniniň Medeni-işewürlik merkeziniň «Galkynyş» folklor toparynyň baş artist-wokalisti Göwher Hojimyradowa;
— Aşgabat şäheriniň Medeniýet müdirliginiň 4-nji çagalar sungat mekdebiniň mugallymy Döwran Şammyýew;
— Arkadag şäherindäki Sahy Jepbarow adyndaky ýörite sungat mekdebiniň mugallymy Bägül Maşadowa;
— Arkadag şäheriniň Aman Gülmämmedow adyndaky döwlet drama teatrynyň kömekçi toparynyň artisti Rahymgeldi Kyýasow;
— Türkmen döwlet medeniýet institutynyň medeni miras fakultetiniň 3-nji ýyl talyby Serdar Çaryýew;
— Maýa Kulyýewa adyndaky Türkmen milli konserwatoriýasynyň orkestr saz gurallary fakultetiniň 2-nji ýyl talyby Munisa Hudaýbergenowa;
— şol konserwatoriýanyň halk sazy fakultetiniň 5-nji ýyl talyby Güljemal Taýlyýewa;
— Türkmen döwlet maliýe institutynyň bank işi fakultetiniň 3-nji ýyl talyby Mähri Hojakowa;
— Ahal welaýat Medeniýet merkeziniň estrada orkestriniň 2-nji derejeli artisti Şatlyk Gurbannazarow;
— Balkan welaýatynyň Türkmenbaşy şäher çagalar sungat mekdebiniň mugallymy Gözel Hojaýewa.

Resmi kararda bellenilişine görä, bu sylaglar döwrebap aýdym-saz sungaty arkaly ýurduň ösüşini, halkyň jebisligini, milli däp-dessurlary we gadymy medeni gymmatlyklary mynasyp wasp etmäge goşan goşantlary üçin, şeýle hem Türkmenistanyň hemişelik Bitaraplygynyň 30 ýyllygy mynasybetli gowşuryldy.