2026-njy ýylyň 1-nji martyndan başlap Google Play täze duýduryş ulgamyny işe girizýär. Ulanyjylar indi batareýany güýçli sarp edýän programmalarda ýörite bellikleri görüp bilerler. Bu çäre enjamlaryň iş wagtyny uzaltmak we programmistleri energiýa tygşytlylygy boýunça kämilleşdirmäge höweslendirmek üçin göz öňünde tutulýar.

Ulgam Samsung bilen bilelikde döredilen Excessive Partial Wake Locks ölçegi esasynda işleýär. Algoritm programmanyň smartfonyň uky režimine geçmegini näçe gezek böwetleýändigini seljerýär.

Eger programma bir günüň dowamynda enjamy iki sagatdan köp oýaryp saklasa, ol “energiýa köp sarp edýän” hökmünde bellikler bilen görkeziler.

Bu bellikler ulanyjylara programmanyň batareýanyň ömrüne edýän täsirini has aýdyň görkezmäge mümkinçilik berer.

Şeýle hem ýokary energiýa sarp edýän programmalara käbir çäklendirmeler giriziler:

• olaryň mahabaty peseldiler,

• olar Google Play maslahatlary sanawyndan aýrylyp bilner.

Google bu çäreleriň öndürijileri programmalaryny has tygşytly edip, Android enjamlarynyň batareýalaryna düşýän ýükü azaldar diýip umyt edýär.