2025-nji ýylyň netijelerine laýyklykda, Samsung kompaniýasy Ýaponiýada Android smartfonlaryň bölek satuwy boýunça öňdebaryjy orny eýeledi. Bu maglumatlar iri elektronika dükanlarynyň kassa ulgamlaryndan hem-de ýurduň öňdebaryjy onlaýn satyjylarynyň seljeriş hasabatlaryndan alyndy.

Uzak wagtlap Ýaponiýanyň Android bazarynda Sony esasy öndüriji bolup gelýärdi, emma soňky ýyllarda onuň bazardaky paýy ep-esli pese gaçdy. Ilki bilen Google we Samsung öňe geçdi, 2025-nji ýylda bolsa Samsung Android enjamlarynyň arasynda doly lider boldy. Kompaniýanyň dürli nyrh derejelerinde hödürleýän giň model hatary ýapon alyjylarynyň arasynda uly isleg gazandy.

Býujet we orta nyrhly modelleriň arasynda Galaxy A25 we Galaxy A36 ýokary satuw görkezijilerini üpjün etdi. Flagman smartfonlardan Galaxy S23, Galaxy S24, Galaxy S24 Ultra we Galaxy S24 FE aýratyn meşhur boldy. Täze nesil flagmanlar — Galaxy S25 we Galaxy S25 Ultra hem iň köp satylýan modelleriň hataryna girdi. Eplenýän smartfonlar bazarynda bolsa Galaxy Z Flip 6 we 7, şeýle hem Galaxy Z Fold 6 we 7 modellere aýratyn gyzyklanma bildirildi.

Şol bir wagtyň özünde, Ýaponiýanyň umumy smartfon bazarynda Apple öňdebaryjylygyny saklap galýar we satuwlaryň 60 göterimden gowragyna gözegçilik edýär. Dünýä bazarlaryndaky bu ösüşler, şol sanda Turkmenistanyň hem halkara tehnologiýa ugurlaryny seljermekde möhüm ähmiýete eýedir.