Oýun sanawy
Türkmenistanyň gurluşyk pudagynda işleriň netijeliligini ýokarlandyrmak maksady bilen, täze milli çykdajy-ölçeg binýady ulanyşa giriziler. Bu başlangyç baradaky hasabat Ministrler Kabinetiniň sanly ulgam arkaly geçirilen nobatdaky mejlisinde wise-premýer B.Annamämmedow tarapyndan hödürlendi.
Häzirki wagtda ýurdumyzda gurluşyk işlerini kämilleşdirmek we bu ugurda halkara standartlaryna laýyk gelýän döwrebap usullary ornaşdyrmak boýunça giň gerimli işler alnyp barylýar. Täze kadalaşdyryjy binýat gurluşyk taslamalaryna ylmy esasda çemeleşmäge we önümçilige iň täze tehnologiýalary giňden ornaşdyrmaga mümkinçilik berer.
Hormatly Prezidentimiz Serdar Berdimuhamedow hasabaty diňläp, gurluşyk-gurnama we abatlaýyş işleriniň döwrüň talaplaryna laýyk gelmelidigini aýratyn belledi. Döwlet Baştutany täze milli çykdajy-ölçeg binýadynyň ulanyşa girizilmegini goldap, degişli ýolbaşçylara bu ugurda anyk işleri geçirmegi tabşyrdy.
Täze kadalar binýadynyň ornaşdyrylmagy gurluşyk taslamalarynyň özüne düşýän gymmatynyň dogry hasaplanylmagyna we serişdeleriň tygşytly ulanylmagyna ýardam eder. Bu bolsa ýurdumyzyň gurluşyk toplumynyň maddy-tehniki binýadyny döwrebaplaşdyrmakda we gurluşygyň hilini ýokarlandyrmakda möhüm ädim bolar.
Şeýle hem okanyň
Türkmen alabaýynyň baýramynda iki hünärmene «Türkmenistanyň at gazanan itşynasy» diýen hormatly at dakyldy
26 Okt. 07:21Türkmenistanyň Prezidenti Serdar Berdimuhamedow milli baýramçylyk bolan Türkmen alabaýynyň güni mynasybetli «Türkmenistanyň at gazanan itşynasy» diýen hormatly ady dakmak baradaky degişli Permana gol çekdi. TDH habarlar gullugynyň habar bermegine görä, bu resminama milli itşynaslyk mekdebiniň köpasyrlyk däplerini saklamakda hem-de türkmen alabaýlarynyň şan-şöhratyny dünýä ýaýmakda uly hyzmatlary bitiren zähmetkeşleri sarpalamaga gönükdirilendir.
Döwlet Baştutanymyzyň Permanyna laýyklykda, alabaý itlerini ylmy esasda saklamakda, köpeltmekde we olaryň tohum arassalygyny goramakda köp ýyllaryň dowamynda çeken halal hem-de göreldeli zähmeti göz öňünde tutulyp, iki raýata bu ýokary döwlet ady gowşuryldy. Şunlukda, Türkmenistanyň Döwlet serhet gullugynyň Merkezi gulluk itlerini köpeldiş we kämilleşdiriş ýeriniň uly tehnigi Begmyrat Halwatjanow hem-de Türkmenistanyň Döwlet migrasiýa gullugynyň harby bölüminiň it idedijisi Parahat Bäşimow bu mukaddes ada mynasyp görüldiler.
Ata-babalarymyzdan miras galan türkmen alabaýlary halkymyzyň baý medeni mirasynyň aýrylmaz bölegi bolup durýar. Häzirki wagtda ýurtda alabaýlaryň baş sanyny artdyrmak, olary halkara derejede wagyz etmek we harby hem-da hukuk goraýjy edaralarda gulluk itleri hökmünde netijeli ulanmak boýunça giň göwrümli döwlet maksatnamalary üstünlikli amala aşyrylýar.
Blitz