Oýun sanawy
Ahal welaýatynyň Ak bugdaý etrabynda ýylda 15 million ýumurtga hem-de 1000 tonna towuk etini öndürmäge ukyply täze guşçulyk kärhanasyny gurmak meýilleşdirilýär. Mundan başga-da, 1000 baş iri şahly mallar üçin niýetlenen maldarçylyk toplumlaryny gurmak hem göz öňünde tutulýar. Bu barada wise-premýer T. Atahallyýew «Altyn halka» döwlet kärhanasynyň täze maldarçylyk toplumynyň açylyş dabarasynda Türkmenistanyň Prezidentine hasabat berdi diýip, TDH habar berýär.
Prezident Serdar Berdimuhamedow oba hojalygynda alnyp barylýan özgertmeleriň ýurduň azyk howpsuzlygyny pugtalandyrmaga we ýerli önümleriň bäsdeşlige ukyplylygyny artdyrmaga gönükdirilendigini belläp, wise-premýere degişli tabşyryklary berdi.
Şunuň bilen baglylykda, 1-nji ýanwarda Prezident Serdar Berdimuhamedow häzirki zaman sanly gözegçilik ulgamlary bilen enjamlaşdyrylan «Altyn halka» döwlet maldarçylyk toplumynyň açylyşynda hem gatnaşdy.
Şeýle hem okanyň
Türkmenistanda gallaçylar güýzlük bugdaý ekilişine köpçülikleýin girişdiler
10 Sen. 10:44Türkmenistanyň oba hojalyk zähmetkeşleri geljek ýylyň bol hasylynyň düýbüni tutmak maksady bilen güýzlük bugdaý ekilişine köpçülikleýin başladylar. Bu möhüm oba hojalyk kampaniýasy ýurduň ähli welaýatlarynda bir wagtyň özünde badalga aldy.
Oba hojalyk kärhanalary we daýhan hojalyklary möwsüme doly taýýarlykly geldiler. Ekiliş işlerinde ýokary öndürijilikli tehnikalar, şol sanda meşhur daşary ýurt önümçilikli traktorlar hem-de seýalkalar bökdençsiz bellenilen tertipde peýdalanylýar.
Gallaçylar ýerli toprak we howa şertlerine durnukly bolan, ýokary hilli bugdaý sortlaryny ekmegi meýilleşdirýärler. Bu işler ýurtda azyk bolçulygyny üpjün etmekde we oba hojalyk ulgamyny mundan beýläk-de ösdürmekde möhüm ädim bolup durýar.
Möwsümleýin meýdan işleriniň bellenilen möhletlerde we agrotehniki kadalara doly laýyklykda geçirilmegi üçin degişli hünärmenler tarapyndan yzygiderli gözegçilik we maslahat goldawlary guralýar.
Şeýle hem okanyň
Blitz