Türkmenistanda 2030-njy ýyla çenli zähmet bazaryny ösdürmegiň Konsepsiýasy esasynda aýlyk haklarynyň durnukly ösmegini üpjün etmek boýunça işler güýçlendiriljekdir. Bu, zähmet öndürijiligi we işçi güýjüniň hiliniň ösüşine gabat gelýän netijeli infrastruktura döretmek üçin niýetlenendir.

TDH-nyň habaryna görä, aýlyk haklarynyň satyn alyş kuwwatyny ýokarlandyrmak üçin minimal aýlyk möçberiniň artdyrylmagy göz öňünde tutulýar. Konsepsiýada Halkara Zähmet Guramasynyň düzgünlerine laýyklykda minimal aýlyk haklaryny kesgitlemek we ýokarlandyrmak arkaly ilatyň ýokary sosial goragy üpjün ediljekdir.

Şeýle hem, işgärleriň zähmetine goşmaça höweslendirmeleri we premýalary, aýlyk haklarynyň hasaplanmagy we ýokarlandyrylmagy boýunça usullar häzirki döwrüň talaplaryna görä täzelener, bu hem işçilere bolan gyzyklanmany we önümçilik netijeliligini artdyrar.

Öň gürrüň berlen ýaly, Türkmenistanda ilatyň iş bilen üpjünçiligine uly ähmiýet berilýär.