Oýun sanawy
«Arkadag» futbol kluby AFC-2 Çempionlar ligasynyň 1/8 final jogap duşuşygyna taýýarlyk maksatlary bilen duşenbe güni Er-Riýadda Şazada Abdulrahman ben Saud adyndaky stadionda türgenleşik geçirdi.
11-nji fewralda Aşgabatda geçirilen ilkinji duşuşykda «Al-Nasr» 1:0 hasabynda ýeňiş gazandy. Çärýek finala çykmak üçin «Arkadag» iki gol aratapawudy bilen ýeňmeli ýa-da bir gol aratapawudy bilen ýeňip, duşuşygy goşmaça wagta geçirme mümkinçilik gazanmaly.
«Al-Nasr» häzirki wagtda ýokary forma bilen oýna gelýär. 22-nji tapgyrda Saud Arabystany çempionatynyň «Al-Fateh» toparyny 2:0 hasabynda ýeňip, yzly-yzyna ýedinji ýeňşini gazandy. Gollary Kriştianu Ronaldu (18-nji minut) we Aýman Ýahýa (78-nji minut) geçirdi.
Milli çempionatyň sanawynda «Al-Nasr» 21 oýunda 52 utuk bilen ikinji orunda ýerleşýär. Soňky ýeňlişini 12-nji ýanwarda «Al-Hilal» bilen myhmançylykda geçiripdi. Häzirki wagtda toparyň ýeňiş tapgyry sekiz oýundan ybarat.
Jogap duşuşygy 18-nji fewralda Er-Riýadda geçirilip, Aşgabat wagty bilen sagat 23:15-de başlanar.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz