Türkmenistanyň Prezidenti Serdar Berdimuhamedow Amerikanyň Birleşen Ştatlaryna eden iş saparyny tamamlady diýip, TDH habar berýär.

Waşingtondan ugrandan ozal döwlet Baştutany “Endrýus” halkara howa menzilinde BMG-niň ýanyndaky Türkmenistanyň Hemişelik wekili Akсолtan Ataýewany doglan güni bilen gutlady hem-de Türkmenistanyň Halkynyň Milli Lideri Gurbanguly Berdimuhamedow adyndan gutlaglaryny we güller buketini gowşurdy.

Aşgabada dolanyp geleninden soň, Prezident Serdar Berdimuhamedowy resmi adamlaryň we döwlet edaralarynyň wekilleriniň garşylady.

“C5+1” sammitiniň netijeleri

“Merkezi Aziýa – Amerika Birleşen Ştatlary” atly sammite gatnaşmak Türkmenistanyň oňyn bitaraplyk syýasatyna we köptaraplaýyn hyzmatdaşlyga ygrarlydygyny ýene bir gezek tassyklady.

Habarda bellelişi ýaly, Türkmenistan “C5+1” formatyny milli we sebit bähbitlerini öňe sürmek, parahatçylygy, durnuklylygy we özara peýdaly hyzmatdaşlygy pugtalandyrmak üçin möhüm gural hökmünde görýär.

Türkmen tarapy halkara jemgyýetçiliginiň ünsüni ulag baglanyşyklaryna, energetika howpsuzlygyna hem-de ekologiýa durnuklylygyna çekdi. Aşgabat sebitde tranzit we energetika merkezi hökmünde öz ornuny berkitmek bilen, dünýä gün tertibiniň möhüm meseleleriniň çözgüdine goşant goşýar.

Saparyň çäklerinde Türkmenistanyň resmi wekiliýeti birnäçe ikitaraplaýyn duşuşyklary geçirdi, olarda özara gyzyklanma döredýän meseleler we geljekki hyzmatdaşlygyň ugurlary ara alnyp maslahatlaşyldy.