Oýun sanawy
Türkmenistanyň Daşky gurşawy goramak ministrliginiň Gidrometeorologiýa gullugynyň maglumatlaryna görä, şu hepdäniň dowamynda Türkmenistanda howanyň kem-kemden maýlamagy garaşylýar. Bu baradaky çaklamalar «Türkmenistan» gazetinde hem çap edildi.
Aşgabat şäherinde üýtgäp durýan bulutly howa bolar. Hepdäniň başynda we ikinji ýarymynda ýagyş ýagmagyna garaşylýar. Şemal günorta-gündogardan demirgazyk-günbatara öwrüler, tizligi 10–13 m/s bolup, käte 14–16 m/s çenli güýçlener. Gijelerine howa +3…+5-den +9…+11 gradusa çenli, gündizlerine bolsa +12…+14-den +26…+28 gradusa çenli maýlar.
Balkan welaýatynda hem bulutly howa we käbir günler ýagyn bolar. Şemalyň tizligi 9–14 m/s aralygynda bolup, 12–17 m/s çenli ýetmegi mümkin. Gijelerine +2…+7-den +8…+13 gradusa çenli, gündizlerine +22…+27 gradus, kenarýaka etraplarda bolsa +12…+17 gradus maýyl bolar.
Ahal welaýatynda gijeki howa +2…+7-den +7…+12 gradusa çenli, gündizine bolsa +10…+15-den +24…+29 gradusa çenli ýokarlanar.
Mary, Lebap we Daşoguz welaýatlarynda hem üýtgäp durýan bulutly howa, käbir günler ýagyn we güýçli şemal garaşylýar. Gijeki temperatura 0…+14 gradus aralygynda, gündizine bolsa +17…+28 gradus aralygynda bolar.
Umuman aýdanyňda, şu hepde Türkmenistanda howa ep-esli maýlap, käbir sebitlerde temperatura +29 gradusa çenli ýetmegi mümkin.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Şeýle hem okanyň
Blitz