Oýun sanawy
Tebigy gazdan wodorod almak üçin Türkmenistanda barlaghana enjamy işlenip düzülýär
Türkmenistanyň 2022–2023-nji ýyllar üçin wodorod energiýasy boýunça halkara hyzmatdaşlygyny ösdürmek boýunça ýol kartasyna laýyklykda, Ýagşygeldi Kakaýew adyndaky Halkara nebit we gaz uniwersitetinde Wodorod energetikasy merkezi döredildi.
Merkeziň işi ýokary derejeli hünärmenleri taýýarlamaga we daşary ýurtlaryň öňdebaryjy uniwersitetleri, ylmy merkezleri bilen bilelikde ylmy okuw taslamalaryny amala aşyrmaga gönükdirilýär.
Geçirilen barlaglaryň netijesinde dürli tehnologiýalar arkaly wodorod ýangyjyny öndürmek başartdy. Elektron bejeriş arkaly suwdan “ýaşyl” wodorod alynyp, şeýle hem plazmohimiki usul arkaly tebigy gazdan wodorod öndürýän barlaghana enjamy taýýarlanyldy.
Alnan önüm Agilent Technologies 6890 kysymly gaz hromatografy arkaly seljerilip, wodorod bilen bir hatarda tehniki uglerodyň hem emele gelýändigi anyklanyldy.
2025-nji ýylda Türkmenistanyň Bilim ministrligi bilen Ýaponiýanyň Sukuba uniwersitetiniň arasynda wodorod energiýasy boýunça bilelikdäki ylmy barlaglary geçirmek babatda özara düşünişmek Ähtnamasyna gol çekildi. 2026-njy ýylda bolsa türkmen mugallymlarynyň Sukuba uniwersitetine iş saparlaryna gidip, okuw maksatnamalaryna gatnaşmagy meýilleşdirilýär.
Şeýle hem okanyň
Iň köp görülen
Türkmenistanda Biologiýa boýunça IV Halkara internet olimpiadasy geçiriler
Noýabr aýynyň 20-ne Myrat Garryýew adyndaky Türkmenistanyň Döwlet lukmançylyk uniwersitetinde Biologiýa boýunça IV Halkara internet olimpiadasy geçiriler. Bu bäsleşige Türkmenistanyň we daşary ýurtlaryň ýokary okuw mekdepleriniň talyplary gatnaşyp bilerler.
Biologiýa ylmy bilen gyzyklanýan we bu ugurda bilim alýan ähli talyplar olimpiadada güýç synanyşmaga çagrylýar.
Hasaba alyş prosesi 15-nji noýabra çenli açyk. Hasaba giren talyplara olimpiadadan bir gün öň görkezilen elektron poçta salgysyna giriş maglumatlary iberiler.
Goşmaça maglumat almak üçin:
-
uniwersitetiň sahypasy: www.tdlu.edu.tm (Halkara olimpiada bölümi);
-
telefonlar: +993-12-48-99-32, +993-63-58-51-11, +993-65-68-25-42;
-
elektron poçta: tdlu.iolimp@gmail.com.
Şeýle hem okanyň
Blitz