Oýun sanawy
Türkmenistan üçin möhüm sport wakalarynyň biri bolan tennis boýunça Türkmenistanyň Kubogy Türkmen döwlet bedenterbiýe we sport institutynyň köpugurly sport toplumynda üstünlikli geçirildi. Ýaryşa Türkmenistan boýunça Ahal, Daşoguz, Lebap, Mary welaýatlaryndan hem-de Aşgabat şäherinden jemi 72 türgen gatnaşdy. Olaryň 47-si erkekler, 25-si zenan türgenler boldy.
Bu iri sport ýaryşy Türkmenistanyň Bedenterbiýe we sport baradaky döwlet komiteti bilen Türkmenistanyň Tennis federasiýasy tarapyndan guralyp, Türkmenistanyň Bitaraplygynyň 30 ýyllygyna bagyşlandy. Ýaryş barada «Altyn asyr» elektron neşiri habar berdi.
Erkekleriň ýekelikdäki finaly Türkmenistanyň milli ýygyndy toparynyň tälimçisi, 30 ýaşly Ýuriý Rogusskiý bilen onuň okuwçysy Allanur Daýanjowyň arasynda geçirildi. Uzak dowam eden, üç sagatdan gowrak süren duşuşyk ýokary sport derejesini görkezdi. Birinji setde Ýuriý Rogusskiý üstün çykdy, ikinji setde Allanur Daýanjow doly artykmaçlyk gazandy. Aýgytlaýjy setde bolsa Allanur goşmaça wagtda ýeňiş gazanyp, ilkinji gezek Türkmenistanda Türkmenistanyň Kubogynyň eýesi boldy.
Üçünji orun ugrundaky duşuşykda Meýlis Orazmuhammedow Didar Wepamyradowy ýeňip, baýrakly orunlaryň hataryny jemledi. Meýlis Orazmuhammedow Türkmenistanda tennis sportynyň ösüşine goşant goşýan ýaş tälimçileriň biridir.
Zenanlar arasynda geçirilen ýaryşda bolsa Aşgabat şäherindäki 27-nji ýöriteleşdirilen orta mekdebiň 10-njy synp okuwçysy Aýnur Möwlamowa tapawutlanyp, ilkinji gezek Türkmenistanyň Kubogyny gazandy. Bu netije Türkmenistanda ýaş türgenleriň tennis boýunça geljeginiň uludygyny görkezýär.
Şeýle hem okanyň
Türkmenistanyň U15 futbol ýygyndysy Bakuda geçirilýän FIFA festiwalynda ilkinji ýeňişlerini gazandy
Bugün 06:20Türkmenistanyň 15 ýaşa çenli (U15) ýetginjekler ýygyndysy Azerbaýjanyň paýtagty Baku şäherinde geçirilýän FIFA-nyň bütindünýä festiwalynda we dünýä çempionatynda üstünlikli çykyş edýär. Ýurdumyzyň ýetginjek futbolçylary L toparçada Gonkongyň ýygyndysyny 2:1 hasabynda hem-de Kuk adalarynyň toparyny 3:1 hasabynda ýeňmegi başardylar. Toparyň düzüminde Artýom Çernow 3 gol geçirip, iň netijeli hüjümçi boldy. Şeýle hem Guwanç Artykow, Serdar Agaýew we Zehnetdin Şarafatdinow hersi bir gezek tapawutlandylar.
Geçirilen duşuşyklarda türkmen futbolçylary Italiýanyň (1:5) we Kataryň (0:4) güýçli ýygyndylaryna ýeňilen hem bolsalar, geçiren 4 oýnundan soň 6 utuk toplap, toparçada üçünji orny eýelediler. Deslapky Tapgyryň soňky duşuşygyny milli ýygyndymyz 26-njy oktýabrda Beniniň toparçasy bilen geçirýär. Bakuwdaky bäsleşige baş tälimçi Aziz Kambarowyň we onuň kömekçisi Dawid Sarkisowyň ýolbaşçylygynda ham-da kapitan Şamyrat Namraýewiň serdarlygynda jemi 14 sany ýaş futbolçy ugradyldy.
Halkara ýaryşyň düzgünlerine laýyklykda, oýunlar kiçeldilen meýdançalarda 8×8 görnüşinde amala aşyrylyp, duşuşyklar 20 minutlyk iki taýmdan ybaratdyr. Deslapky tapgyrdan soň toparlar eýelän orunlaryna görä pleý-off diwizionlaryna бölünýärler we ýaryşyň dowamynda her bir ýygyndy jemi 10 oýun geçirer. Bu halkara turnir Türkmenistanyň ýaş futbolçylary üçin uly halkara tejribe we amaly mekdep öwrülýär.
Şeýle hem okanyň
Blitz