Oýun sanawy
“Türkmenistan” awiakompaniýasy Aşgabat bilen Daşogzuň arasynda goşmaça gatnawy ýola goýýar
20 Noý. 06:56“Türkmenistan” awiakompaniýasy 21-nji noýabrdan başlap Aşgabat – Daşoguz – Aşgabat ugry boýunça täze gündelik T5-113 gatnawynyň işe girizilýändigini mälim etdi. Täzelenen içerki uçar gatnawlarynyň tertibinde bu maglumat eýýäm görkezilýär.
Täze gatnaw bilen bu ugur boýunça her gün ýerine ýetirilýän uçuşlaryň sany dörde ýetýär. Mundan başga-da, iki gatnaw belli günlerde ýerine ýetiriler.
21-nji noýabrdan güýje girýän Aşgabat – Daşoguz – Aşgabat ugry boýunça täzelenen tertipnama:
Aşgabat → Daşoguz
-
T5-101 — her gün — 16:00 → 16:50
-
T5-109 — her gün — 18:00 → 18:50
-
T5-111 — her gün — 21:50 → 22:40
-
T5-105 — 1, 3, 5, 6, 7 günleri — 09:55 → 10:45
-
T5-103 — 2, 4 günleri — 09:50 → 10:40
-
T5-113 — her gün — 22:40 → 23:30
Daşoguz → Aşgabat
-
T5-102 — her gün — 07:50 → 08:40
-
T5-110 — her gün — 19:50 → 20:40
-
T5-112 — her gün — 23:40 → 00:30
-
T5-106 — 1, 3, 5, 6, 7 günleri — 11:45 → 12:35
-
T5-104 — 2, 4 günleri — 15:25 → 16:15
-
T5-114 — her gün — 00:30 → 01:20
Awiakompaniýa uçuşlaryň wagtynyň üýtgäp biljekdigini duýdurýar.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Şeýle hem okanyň
Blitz