Oýun sanawy
Arkadag şäherinde gurluşyk depgini we Gadyr gijesiniň öňüsyrasyndaky agzaçar sadakasy
08 Mart. 07:46Türkmen halkynyň Milli Lideri Gurbanguly Berdimuhamedow Arkadag şäheriniň ikinji tapgyrynyň gurluşyk meýdançasynda iş maslahatyny geçirdi. Maslahatda lukmançylyk toplumynyň gurluşygy, täze binalaryň sanly ulgam bilen üpjün edilmegi we içki bezeg işleriniň hili baradaky meselelere seredildi. Gahryman Arkadagymyz gurluşyklaryň bellenilen möhletlerde tamamlanmagyny esasy wezipeleriň biri hökmünde kesgitledi.
Şeýle-de Milli Liderimiz mukaddes Oraza aýynyň ähmiýeti barada durup geçip, sogaply işleriň dowam etdirilmeginiň zerurdygyna ünsi çekdi. Mart aýynyň 15-inden 16-syna geçilýän gijäniň Gadyr gijesi bolandygyny nazara alyp, bu mukaddes senäniň öňüsyrasynda ýurdumyzyň ýaşulularynyň, din wekilleriniň we ýaşlaryň gatnaşmagynda agzaçar sadakasyny bermek başlangyjyny öňe sürdi. Bu asylly däp halkymyzyň agzybirligini, ruhy gymmatlyklaryna bolan ygrarlylygyny dabaralandyrmaga gönükdirilendir.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Şeýle hem okanyň
Blitz