Oýun sanawy
YHG-nyň çäklerinde strategik öňdebaryjylyk we sebitara gatnaşyklaryň ösüşi
05 Few. 06:53Ykdysady Hyzmatdaşlyk Guramasynyň (YHG) hemişelik wekilleriniň Geňeşiniň nobatdaky maslahatynda Türkmenistan integrasiýa amallarynyň esasy hereketlendiriji güýji hökmünde çykyş etdi. Duşuşykda Türkmenistanyň göni gatnaşmagynda taýýarlanylan «2024 — 2034-nji ýyllar üçin Hereketleriň Awaza maksatnamasyny» durmuşa geçirmegiň ugurlary ara alnyp maslahatlaşyldy. Esasy üns Türkmenistanyň daşary syýasatynyň ileri tutulýan ugurlarynyň biri bolan ulag-üstaşyr mümkinçiliklerini ösdürmäge gönükdirildi.
Türkmenistanyň hemişelik wekili Türkmenistan tarapyndan öňe sürlen netijeli başlangyçlaryň goldanylandygy üçin guramanyň Sekretariatyna minnetdarlyk bildirdi. Bellemeli zat, Türkmenistanyň teklibi bilen sebitara baglanyşyga degişli möhüm ugurlar YHG-nyň 2035-nji ýyla çenli strategik maksatlaryna girizildi. Bu bolsa Türkmenistanyň sebitiň ykdysady geljegini kemala getirmekde eýeleýän ornunyň örän uludygyny we Türkmenistanyň möhüm üstaşyr merkezine öwrülýändigini aýdyň görkezýär.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz