Oýun sanawy
Türkmenistanyň wekiliýeti ABŞ-nyň Patentler we haryt nyşanlary boýunça edarasynda (USPTO) duşuşyk geçirdi
03 Sen. 08:07IVLP halkara maksatnamasynyň çäklerinde Türkmenistanyň wekiliýetiniň agzalary ABŞ-nyň Virdjiniýa ştatynyň Aleksandriýa şäherinde ýerleşýän ABŞ-nyň Patentler we haryt nyşanlary boýunça edarasynyň (USPTO) hem-da Bütindünýä intellektual eýeçilik akademiýasynyň (GIPA) ýolbaşçylary we hünärmenleri bilen duşuşyk geçirdiler.
Iş duşuşygynyň dowamynda wekiliýet agzalary ABŞ-nyň Söwda ministrliginiň düzümindäki bu federal edaranyň işi, patentleri we haryt nyşanlaryny hasaba almak ile birlikde intellektual eýeçilik obýektlerini halkara derejesinde hukuk taýdan goramak tejribesi bilen içgin tanyşdylar.
GIPA-nyň direktory Skip Mark akademiýanyň halkara hünärmenleri üçin ğuwandyryş maksatnamalary barada giňişleýin maglumat berdi. Şeýle hem duşuşykda USPTO-nyň uly hukuk geňeşçileri Jon D. Rodriges, Aureliýa J. Uells, Paolo Trewizan we Ken Misbin haryt nyşanlaryny, awtorlyk hukuklaryny, patentleri hem-da täjirçilik syrlaryny koramak boýunça çykyş etdiler.
Karakterli we netijeli ýagdaýda geçen bu duşuşyk intellektual eýeçiligi goramak ulamynda tejribe alyşmak we halkara hyzmatdaşlygy ösdürmekde möhüm ädim boldy.
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Şeýle hem okanyň
Blitz