«Barselona» tomusky transfer penjiresinde iri şertnamalaryň birini amala aşyrdy. Klub «Mançester Siti» toparynyň hamda Ispaniýanyň milli ýygyndysynyň ýarymgoragçysy Rodriniň toparyň hataryna goşulandygy barada resmi taýdan habar berdi. 2024-nji ýylyň «Altyn topunyň» eýesi we 2026-njy ýylyň Dünýä çempiony bolan 30 ýaşly futbolçy katalonlar bilen 2030-njy ýylyň 30-njy iýunyna çenli bellenilen şertnama gol çekdi.

Futbolçynyň transferi üçin «Barselona» 60 million ýewro möçberinde göni töleg geçirdi, şeýle hem goşmaça 16,5 million ýewro bonus töleglerini amala aşyrmaga razylyk berdi. Rodri öz çykyşynda «Mançester Siti» toparyna minnetdarlyk bildirip, başga-da bir teklip alandygyna garamazdan, «Barselonanyň» oýun filosofiýasy sebäpli diňe bu klubu saýlandygyny nygtady.

Rodriden başga-da, katalonlaryň hataryna Portugaliýanyň ýygyndysynyň goragçysy Žoau Kanselu hem goşulýar. 32 ýaşly futbolçy Saud Arabystanynyň «Al-Hilýal» topary bilen şertnamasyny ýatyryp, «Barselona» erkin agent hökmünde geçýär.