Oýun sanawy
Türkmenistanda «Ýaşlaryň döredijiligi – parahatçylygyň sesi» atly bäsleşik yglan edildi
03 Noý. 13:06«Nesil» gazetiň redaksiýasy Magtymguly adyndaky Türkmenistanyň Ýaşlar guramasynyň Merkezi geňeşi bilen bilelikde «Ýaşlaryň döredijiligi – parahatçylygyň sesi» atly döredijilik bäsleşiginiň geçiriljekdigini mälim etdi. Bäsleşigiň düzgünnamasy 28-nji oktýabrdaky «Nesil» gazetiň sanynda çap edildi.
Bäsleşik 35 ýaşa çenli ýaş döredijiler üçin niýetlenendir. Gatnaşanlar ýurdumyzyň ösüşleri, watançylyk, hemişelik bitaraplyk, parahatçylyk, dostluk we doganlyk temalaryna bagyşlanan publisistik makalalary, hekaýalary we goşgulary tabşyrmaly.
Işler 10-njy dekabra çenli «Ýaşlaryň döredijiligi – parahatçylygyň sesi» belligi bilen tabşyrylmalydyr. Arza bilen birlikde maglumat kagyzy, pasport nusgasy, 3×4 ölçegli iki surat, ýaşaýan salgysy we telefon belgisi goşulmalydyr.
Materiallar şu adresa iberilýär:
Aşgabat, 744604, Garaşlyk köçesi, Erkin döredijilik mekany, «Nesil» gazetiň redaksiýasy.
Bäsleşigiň netijeleri dekabr aýynda, Halkara Bitaraplyk gününiň öňüsyrasynda jemleniler. Ýeňijilere hormat hatlary, gymmat bahaly sowgatlar we tapawutlanan döredijilik işleri üçin höweslendiriji baýraklar berler.
E-poçta: nesil-gazeti@sanly.tm
Habarlaşmak üçin telefon belgileri:
«Nesil» gazetiniň redaksiýasy: (+99312) 38 61 57, 39 95 26, 39 96 35.
Magtymguly adyndaky Türkmenistanyň Ýaşlar guramasynyň Merkezi geňeşi: (+99312) 44 88 55.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Şeýle hem okanyň
Blitz