Oýun sanawy
«Türkmenistan» awiakompaniýasy TIACA-nyň doly hukukly agzasy boldy
22 Noý. 09:17Açyk görnüşli paýdarlar jemgyýeti «Türkmenistan» awiakompaniýasy Halkara Howa Ýük Daşamalar Assosiasiýasynyň (TIACA) işjeň agzasy derejesini alyp, degişli şahadatnama bilen dabaralandyryldy.
Penşenbe güni geçirilen Hökümet mejlisinde wise-premýer M. Çakýýew bu wakanyň raýat awiasiýasynyň logistika mümkinçiliklerini giňeltmek we Türkmenistanyň halkara howa ýük ulgamyndaky ornuny berkitmek boýunça alnyp barylýan işleriň bir bölegidigini mälim etdi.
Wise-premýer şeýle hem döwlet Baştutanynyň garamagyna daşary ýurt awiakompaniýalary bilen hyzmatdaşlygy ýola goýmak boýunça teklip hödürledi.
Prezident Serdar Berdimuhamedow teklibi goldap, M. Çakýýewe degişli görkezmeleri berdi diýip, TDH habar berýär.
Şeýle hem okanyň
Türkmenistanda gallaçylar güýzlük bugdaý ekilişine köpçülikleýin girişdiler
10 Sen. 10:44Türkmenistanyň oba hojalyk zähmetkeşleri geljek ýylyň bol hasylynyň düýbüni tutmak maksady bilen güýzlük bugdaý ekilişine köpçülikleýin başladylar. Bu möhüm oba hojalyk kampaniýasy ýurduň ähli welaýatlarynda bir wagtyň özünde badalga aldy.
Oba hojalyk kärhanalary we daýhan hojalyklary möwsüme doly taýýarlykly geldiler. Ekiliş işlerinde ýokary öndürijilikli tehnikalar, şol sanda meşhur daşary ýurt önümçilikli traktorlar hem-de seýalkalar bökdençsiz bellenilen tertipde peýdalanylýar.
Gallaçylar ýerli toprak we howa şertlerine durnukly bolan, ýokary hilli bugdaý sortlaryny ekmegi meýilleşdirýärler. Bu işler ýurtda azyk bolçulygyny üpjün etmekde we oba hojalyk ulgamyny mundan beýläk-de ösdürmekde möhüm ädim bolup durýar.
Möwsümleýin meýdan işleriniň bellenilen möhletlerde we agrotehniki kadalara doly laýyklykda geçirilmegi üçin degişli hünärmenler tarapyndan yzygiderli gözegçilik we maslahat goldawlary guralýar.
Şeýle hem okanyň
Blitz