Oýun sanawy
Aşgabatda Eýran ilçihanasynyň gurnan çäresi şahyry Hafezi ýatlamak bilen geçirildi
17 Okt. 11:55Aşgabatdaky Eýran Yslam Respublikasynyň ilçihanasynyň medeniýet merkezinde pars edebiýatynyň görnükli şahyry Hafez Şirazyň hormatyna döredijilik agşamy geçirildi.
Çäräniň dowamynda çykyş edenler: Eýran ilçihanasynyň medeniýet boýunça geňeşçisi Abdolreza Abbasi, Eýran Yslam Respublikasynyň Türkmenistandaky ilçisi Ali Mojtaba Ruzbehani hem-de ilçihana bilen hyzmatdaşlykda işleýän mekdebiň pars dili mugallymy Muhammedi boldy.
Ilçi Ruzbehani öz çykyşynda iki ýurduň arasynda medeni gatnaşyklaryň ösdürilmegine uly üns berilýändigini nygtady. Ol şeýle çäreleriň geçirilmeginde uly goldaw berýän Eýran Yslam Respublikasynyň Prezidenti doktor Pezeşkiana, Türkmenistanyň Prezidenti Serdar Berdimuhamedow hem-de Halk Maslahatynyň Başlygy, hormatly Gurbanguly Berdimuhamedow ýaly ýolbaşçylara minnetdarlyk bildirdi.
Çäräniň dowamynda pars dilini öwrenýän okuwçylar Hafeziň şygryýetinden gazelleri pars we türkmen dillerinde ýerine ýetirdiler. Okuwçylaryň arasynda söz baýlygyny görkezmek, beyitleri okamak we gazelleri ýatdan aýtmak boýunça bäsleşikler geçirildi.
Agşamyň ahyrynda bäsleşikleriň ýeňijileri yglan edilip, gatnaşyjylara sowgatlar gowşuryldy.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Şeýle hem okanyň
Blitz