Çäre Türkmenistanyň Jemgyýetçilik guramalarynyň merkezinde geçirilip, ol ýurduň Garaşsyzlygynyň 34 ýyllygyna bagyşlandy.

TDH-nyň habar bermegine görä, foruma daşary ýurtlarda ýaşaýan türkmenleriň wekilleri we Türkmnestanyň ähli sebitlerinden wekiler gatnaşdy.

Maslahatda Prezident Serdar Berdimuhamedowyň gatnaşyjylara ýollan Gutlag sözi diňlenildi.

Döwlet Baştutanymyzyň Gutlagynda bellenilişi ýaly, ösüşiň, berkararlygyň we rowaçlygyň ak ýolunda belent maksatlara ruhlandyrýan milli baýramymyz bolan Türkmenistanyň Garaşsyzlyk gününiň öňüsyrasynda geçirilýän bu maslahatyň agzybirligimizi, jebisligimizi hem-de doganlyk gatnaşyklarymyzy has-da pugtalandyrmakda ähmiýeti örän uly bolar. “Türkmen halkynyň Milli Lideri, Türkmenistanyň Halk Maslahatynyň Başlygy, Dünýä türkmenleriniň ynsanperwer birleşiginiň Prezidenti Gahryman Arkadagymyzyň nusgalyk işleri netijesinde Garaşsyzlygymyzyň we hemişelik Bitaraplygymyzyň sütünlerini berkitmekde ägirt uly işler amala aşyrylyp, eziz Watanymyz syýasy, ykdysady, medeni-ynsanperwer ugurlarda ynamly ösýän döwletleriň biri hökmünde ykrar edildi we parahatçylygyň, dostlugyň, bagtyýarlygyň ýurduna öwrüldi” diýip, hormatly Prezidentimiz Gutlagynda nygtaýar.

Maslahatyň nobatdaky ýygnanyşynda seredilen möhüm meseleler Dünýä türkmenleriniň ynsanperwer birleşmesiniň işiniň agramynyň ýokarlandyrylmagyna we döwletara gatnaşyklaryň ösdürilmegine ýardam eder.