Oýun sanawy
Türkmenistanyň Kubogynyň finaly: «Ahаl» bilen «Arkadag» 27-nji dekabrda duşuşar
26 Dek. 14:0027-nji dekabrda Arkadag şäherinde futbol boýunça Türkmenistanyň Kubogynyň final duşuşygy geçiriler. Bu duşuşykda «Ahаl» bilen «Arkadag» toparlary esasy kubok ugrunda bäsleşerler. Oýun sagat 15:00-da başlar we şol gün Türkmenistanda kubogyň eýesi belli bolar.
Final duşuşygynyň baş emini hökmünde Berdymämmet Atdyýew bellenildi. Oňa gapdal emini hökmünde Ihglas Kurambaýew we Ýusup Jumamuradow kömek ederler. Ehtiyat emin wezipesini Eziz Ýazmuradow ýerine ýetirer.
Bu final Türkmenistanyň Kubogy taryhynda Arkadag şäherinde ikinji gezek geçirilýär. Şeýle hem bu duşuşyk iki topar üçin hem yzly-yzyna üçünji final bolar. Öňki iki finalda «Arkadag» 3:0 we 1:0 hasaplary bilen ýeňiş gazandy.
Ýarym finallarda «Ahаl» iki oýnuň jemi boýunça «Şagadamdan» üstün çykdy, «Arkadag» bolsa «Aşgabady» ynamly ýeňdi. Bu final duşuşygy Türkmenistanyň futbol möwsümindäki iň möhüm wakalaryň biri bolar diýlip garaşylýar.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz