Oýun sanawy
Malaiziýadaky halkara bäsleşikde altyn baýrak alan türkmenistanly talyplar
25 Sen. 12:55Oğuz han adyndaky Türkmen Inžener-tehnologiýa uniwersitetiniň talyplary halkara ylmy sahnada uly üstünlik gazandylar. Malaýziýada geçirilen World Sustainable Development Goal Challenge (WSDG 2025) bäsleşiginden altyn medallar bilen dolanyp geldiler.
4-nji ýyl talyby Süleýmanmuhammet Şamuhammedow (himiýa-tehnologiýa fakultetinden) “ýaşyl sementiň” önümçiligi boýunça ylmy işini hödürläp, daşky gurşawa ýetirýän zyýanly täsirleri azaltmaga we energiýa tygşytlamaga gönükdirilen taslamasy bilen diňe bir altyn medal däl, eýsem bäsleşigiň iň ýokary baýragy bolan WSDG Innovation Grand Award-y hem aldy. Bu ylmy iş halkara derejesindäki hünärmenler tarapyndan ýokary baha aldy.
Şeýle hem, 3-nji ýyl talyplary Aýmyrat Halnazarow we Jemal Şaripowa tarapyndan taýýarlanan bilelikdäki taslama aýratyn tapawutlandy. Olar senagat galyndysy bolan fosfogipsden arassa gurluşyk gipsini öndürmegiň täze we ekologik taýdan howpsuz usulyny döretmegi başardylar. Bu iş altyn medal bilen hem-de “Durnukly ösüşde iň gowy innowasiýa” baýragy bilen sylaglandy.
Bu üstünlikleriň gazanylmagynda ýolbaşçy hökmünde çykyş eden kämil mugallym, tehnik ylymlarynyň kandidaty Atamyrat Altyýewiň aýratyn goşandy boldy.
Bäsleşik Malaýziýanyň Multimedia Uniwersiteti we ýaş alymlar guramasy tarapyndan gurnaldy we oňa 15 ýurtdan — şol sanda Hindistan, Gazagystan, Rumyniýa, Müsür ýaly ýurtlardan — 2100-den gowrak taslama hödürlenildi.
Türkmen ýaşlarynyň gazanan bu üstünligi ýurduň ylmy we bilim ulgamynyň ösüşini görkezýär we halkara derejesindäki abraýyny has-da pugtalandyrýar.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Şeýle hem okanyň
Blitz