Oýun sanawy
Türkmenistanyň Prezidenti sergä we foruma gatnaşyjylary TSTB-niň 18 ýyllygy mynasybetli gutlady
17 Mart. 05:10Serdar Berdimuhamedow Türkmenistanyň Senagatçylar we telekeçiler birleşmesi döredilmeginiň 18 ýyllygy hem-de şu waka mynasybetli geçirilýän sergi we «Türkmenistanyň geljegine maýa goýumlar» atly halkara forumyň başlanmagy bilen gatnaşyjylara gutlag iberdi.
Gutlag haty Türkmenistan gazeti neşirinde çap edildi. Onda ýurdumyzyň telekeçileriniň maýa goýum işjeňliginiň yzygiderli artýandygy we ykdysady ösüşe möhüm goşant goşýandygy aýratyn bellenilýär.
Döwlet Baştutany hususy pudagyň wekilleriniň özlerine ynanylan taslamalara uly jogapkärçilik bilen çemeleşýändigini hem-de jemgyýet üçin ähmiýetli başlangyçlary üstünlikli durmuşa geçirýändigini nygtady.
Şeýle-de, 2022–2052-nji ýyllary öz içine alýan ösüş maksatnamasynda döwlet bilen hususy pudagyň hyzmatdaşlygyny giňeltmäge hem-de telekeçileri ileri tutulýan ugurlara giňden çekmäge möhüm orun berilýändigi bellenildi.
Bellenilişi ýaly, işewürlik gurşawyny döwrebaplaşdyrmak we telekeçiligi goldamak boýunça alnyp barylýan işler netijesinde ykdysadyýetde hususy bölegiň paýy barha ýokarlanýar. 2026-njy ýyl üçin meýilleşdirilen maksatnamada bolsa kiçi we orta telekeçiligi ösdürmek, şeýle hem jemi içerki önümdäki döwlete degişli bolmadyk bölegiň paýyny 72,9 göterime ýetirmek göz öňünde tutulýar.
Netijede, birleşmäniň agzalarynyň alyp barýan işleri ýurdumyzyň senagat taýdan ösmeginde we ykdysady durnuklylygyny üpjün etmekde möhüm orun eýeleýär.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz