Mübärek Remezan aýynyň öňüsyrasynda TMBIZ sanly platformasy tarapyndan guralan halallyk ýörelgelerine esaslanýan Mega ýaryşyň jemleýji tapgyryna girişilýär. Ýeňijileriň atlarynyň resmi taýdan yglan edilmegine sanlyja gün galan mahaly, platforma tarapyndan gatnaşyjylaryň mümkinçiliklerini giňeltmäge gönükdirilen goşmaça çäreler durmuşa geçirilýär.

 

Administrasiýa tarapyndan ýaryşdaky utuklaryň sanynyň artdyrylmagy bäsleşigiň has-da işjeňleşmegine getirdi. Bu ýagdaý gatnaşyjylaryň reýtingdäki ornuny gowulandyrmak mümkinçiligini artdyrýar hem-de soňky tapgyrda bäsdeşligi güýçlendirýär.

 

Baýrak gaznasynyň giňeldilmegi Mega ýaryşyň aýratynlygyny görkezýär. 1-nji orundan 30-njy orna çenli ýeňijilere dürli görnüşli gymmatly sowgatlar gowşurylar. Baş baýrak hökmünde häzirki döwrüň iň köp islenilýän enjamlarynyň biri — iPhone 17 Pro kesgitlenendir. Şeýle hem PlayStation 5 oýun konsoly, 65 dýumlyk Android telewizory, sowadyjy we beýleki tehniki enjamlary öz içine alýan baýraklar göz öňünde tutulýar.

 

TMBIZ platformasy Türkmenistanyň sanly ösüş strategiýasyndan ugur alnyp döredilen innowasion giňişlik hökmünde çykyş edýär. Ol ýaş türkmen programmistleriniň gatnaşmagynda taýýarlanan, döwrebap sanly mümkinçilikleri işjeň peýdalanmaga gönükdirilen çözgütdir.

 

Platformanyň işi sanly medeniýeti ösdürmäge, ulanyjylaryň işjeňligini artdyrmaga we maglumat tehnologiýalarynyň mümkinçiliklerini giňden ornaşdyrmaga hyzmat edýär. Mega ýaryş bolsa, bu giňişligiň çäklerinde döredilen iň iri çäreleriň biri hökmünde çykyş edip, sanly ulgamdaky gatnaşyjylaryň işjeň gatnaşygyny höweslendirýär.